გეილმა არჩევანი გააკეთა | რა თანხას მიიღებს დილა მის სანაცვლოდ?
გორის „დილას“ ფეხბურთელი, ტიერი გეილი კარიერას ავსტრიაში გააგრძელებს. ბარბადოსელი შემტევის საკუთარ რიგებში ხილვით რამდენიმე ევროპული კლუბი ინტერესდებოდა და გეილმა არჩევანი ვენის „რაპიდზე“ შეაჩერა.
ბარბადოსის ფეხბურთის ფედერაციის პრესსამსახურის უფროსისა და ჟურნალისტის, ანმარ გუდრიჯ-ბოისის თქმით, „დილა“ „რაპიდის“ წინადადებას დათანხმდა და გეილის სანაცვლოდ დაახლოებით 1.7 მილიონ აშშ დოლარს მიიღებს. 21 წლის ფეხბურთელი ავსტრიაში პარასკევს გაფრინდება, რათა პირადი კონტრაქტი შეათანხმოს და სამედიცინო შემოწმება გაიაროს.
????EXCLUSIVE : FC Dila Gori have accepted a bid in the region of $1.7 million from Austrian giants SK Rapid Wien for left winger Thierry Gale.
— Anmar Goodridge-Boyce (@anmargboyce) August 24, 2023
The 21 year-old Barbadian will fly to Austria tomorrow or Friday to agree personal terms and complete his medical. WE’RE ON OUR WAY. pic.twitter.com/mKoUWgyR4d
მოგვიანებით, Sky Sport Austria-მ განსხვავებული სატრანსფერო თანხა გააჟღერა, აღნიშნული წყაროს ინფორმაციით გეილის სანაცვლოდ „დილა“ 800 000 ევროს მიიღებს.
Der @skrapid hat das Rennen um Flügelspieler Thierry #Gale gewonnen! Nach Informationen von Sky-Reporter @Sky_EricN wechselt Gale für etwa 800.000 Euro vom georgischen Klub FC Dila Gori nach Hütteldorf. ✅ #SkyBuliAT #SKRapid #Rapid #inundaut pic.twitter.com/GxeaZIhT1U
— Sky Sport Austria (@SkySportAustria) August 25, 2023
ცნობისთვის, სხვადასხვა დროს, გეილი „მიდტიულანდს“, „იანგ ბოიზს“, „რაკუვსა და თელ ავივის „მაკაბის“ დაუკავშირეს. იწერებოდა, რომ მისი გაფორმების ყველაზე კარგი შანსი პოლონეთის ჩემპიონს ჰქონდა, მაგრამ როგორც ჩანს, ვითარება შეიცვალა.
კონფერენს ლიგის მიმდინარე სეზონში ტიერი გეილმა „დუნაისკა სტრედასთან“, პოლტავას „ვორსკლასთან“ და „აპოელთან“ შეხვედრებში კარგი შთაბეჭდილება დატოვა, მის აქტივში 2 გოლი და 1 საგოლე პასია. 21 წლის გეილიმ კრისტალბეთ ეროვნული ლიგის მიმდინარე სეზონში 19 მატჩში 10 გოლი შეაგდო და 4 საგოლე პასი შეასრულა.
