ნეიმარი მუნდიალზე: 5 დღე ვტიროდი, ნაკრების დატოვება მინდოდა

ნეიმარმა 2022 წლის მსოფლიო ჩემპიონატის 1/4 ფინალში ხორვატიასთან მარცხს მის კარიერაში ყველაზე მძიმე უწოდა.

„ვერ ვიტყვი, რა ფიქრებმა გამიელვა თავში. ეს იყო ყველაზე მტკივნეული მარცხი ჩემს კარიერაში. ზედიზედ 5 დღე ვტიროდი. გული ძალიან დამწყდა, რომ ჩემი ოცნება დაინგრა.

მირჩევნია არ გაგვეტანა, 0-0 დასრულებული პენალტებზე წავაგეთ, ვიდრე გაგვეტანა, რომ გაათანაბრეს და სერიაში წავაგეთ. ამ ტკივილის გაგება მხოლოდ მოთამაშეებს და მწვრთნელებს შეუძლიათ.

ეს ჩემს ცხოვრებაში ყველაზე ცუდი მომენტი იყო. დაკრძალვას ჰგავდა: შენს ერთ მხარეს ვიღაც ტირის, მეორე მხარეს ვიღაც ტირის. საშინელი გრძნობა იყო და არ მინდა განმეორდეს.

სიმართლე გითხრათ, მსოფლიო ჩემპიონატის შემდეგ არ მინდოდა ნაკრებში თამაში გამეგრძელებინა, მაგრამ მერე გადავიფიქრე, რადგან ძალიან მშია. მსოფლიო ჩემპიონატის შემდეგ აღარ მინდოდა დამარცხების ტკივილი განმეგრძო, მენახა როგორ იტანჯება ჩემი ოჯახი - ეს ჩემთვის მძიმე ტვირთია. მაგრამ მათ კვლავ მოუწევთ მასთან შეგუება. ასე უკეთესი იქნება, ასეც უნდა იყოს“,

- განაცხადა ნეიმარმა CazeTV-სთან ინტერვიუში.