რივალდო: ამ გუნდმა აჩვენა, რომ „ბარსელონას“ შეუძლია გახდეს ისევ ისეთი, როგორიც ადრე იყო

რივალდოს სჯერა, რომ ამჟამინდელ „ბარსელონას“ ბევრი ტიტულის მოგება შეუძლია, თუ არსებული შემადგენლობა შენარჩუნდება.

ლეგენდარული ბრაზილიელი ფეხბურთელის თქმით, მის ყოფილ კლუბს არაჩვეულებრივი სეზონი ჰქონდა.

„სამწუხაროა, რომ „ბარსა“ ჩემპიონთა ლიგის ფინალში ვერ გავიდა და ვერ მოიგო ის, რადგან ასე კარგად თამაშობდა. ძალიან ახალგაზრდა გუნდია და მომავალ წელს სავარაუდოდ ის ისევ კონკურენტუნარიანი იქნება. ამ გუნდმა აჩვენა, რომ „ბარსელონას“ შეუძლია გახდეს ისევ ისეთი, როგორიც ადრე იყო და იყვნენ ძლიერები კიდევ ბევრი წლის განმავლობაში ბევრ რამეში, ამ მოთამაშეების ასაკის წყალობით. ეს ფეხბურთელები ისე თამაშობენ, თითქოს ბევრი გამოცდილება აქვთ. თუ ეს შემადგენლობა რამდენიმე წელი შენარჩუნდება, ისინი სავარაუდოდ ბევრ ტიტულს მოიგებენ. განსაკუთრებით ჩემპიონთა ლიგას, რომელიც გულშემატკივრებს ასე ძალიან უნდათ“, - თქვა რივალდომ.

შეგახსენებთ, რომ ჩემპიონთა ლიგის ნახევარფინალში „ბარსელონა“ „ინტერთან“ დამარცხდა. ევროპის მთავარი საკლუბო ტურნირის ფინალი 31 მაისს მიუნხენში, „ალიანც არენაზე“ გაიმართება. ფინალში „ინტერი“ პსჟ-ს დაუპირისპირება.