NBA-ში რჩება - მამუკელაშვილმა სან ანტონიოსთან კონტრაქტი გააფორმა
ცნობები იმის შესახებ, რომ შესაძლებელი იყო მამუკელაშვილს კარიერა თურქეთში გაეგრძელებინა საბედნიეროდ არ გამართლდა და „მამუ“ NBA-ში რჩება.
მამუკელაშვილმა „სან ანტონიოსთან“ 1-წლიანი კონტრაქტი გააფორმა, რომლის ღირებულებაც 2 მილიონი დოლარი გახლავთ. სანდრო გრეგ პოპოვიჩის გუნდში „მილუოკიდან“ გადასვლის შემდეგ, ახალბედას კონტრაქტით თამაშობდა, რომელიც „ბაქსში“ გადასვლის დროს ჰქონდა გაფორმებული.
NBA-ს გასული სეზონის დასრულების შემდეგ, მამუკელაშვილს ხსენებული ხელშეკრულება ამოეწურა და თავისუფალი აგენტი გახდა. მისთვის ახალ კონტრაქტზე პირველი შეთავაზების გაკეთების უფლება „სან ანტონიოს“ ჰქონდა, რომელმაც ბოლო მომენტში ეს გამოიყენა.
Free agent C Sandro Mamukelashvili has agreed to a one-year, $2 million deal with the San Antonio Spurs, his agents George Roussakis and Mark Bartelstein of @PrioritySports tell ESPN.
— Adrian Wojnarowski (@wojespn) July 1, 2023
უკვე ოფიციალური ინფორმაციით, მამუკელაშვილს 1-წლიანი გარანტირებული კონტრაქტი ექნება, რის განმავლობაშიც ის ანაზღაურების სახით 2 მილიონ დოლარს მიიღებს.
ცნობისთვის, მამუკელაშვილმა „სან ანტონიოს“ მაისურით 18 შეხვედრა ჩაატარა და პარკეტზე საშუალოდ 22:50 წუთს ატარებდა. მისი მონაგარი 10.2 ქულა, 6.6 მოხსნა, 2.3 შედეგიანი გადაცემა, 0.6 ჩაჭრა და 0.3 დაფარებაა.
