ფენომენალური ჯოკოვიჩი - ავსტრალიაში ყველა ნახევარფინალისტის ვინაობა გაირკვა

ავსტრალიის ღია პირველობაზე ყველა ნახევარფინალური წყვილი ცნობილია. კაცთა შორის სანუკვარი ტიტულისთვის ბრძოლას ტომი პოლი, ნოვაკ ჯოკოვიჩი, სტეფანოს ციციპასი და კარენ ხაჩანოვი განაგრძობენ. ეს უკანასკნელი ფინალის საგზურისთვის ციციპასს დაუპირისპირდება, ჯოკოვიჩი კი პოლს შეხვდება.

„ნოლემ“ ნახევარფინალის საგზური ანდრეი რუბლიოვის დამარცხებით მოიპოვა და მატჩი რამდენიმე წუთის წინ დასრულდა. სერბმა ჩოგბურთელმა ბრწყინვალედ იასპარეზა, ფენომენალური ჩოგბურთი აჩვენა და მეტოქეს შანსი არ დაუტოვა. ჯოკოვიჩმა 3 სეტში იმარჯვა და რუს ჩოგბურთელს 6:1, 6:2 და 6:4 სძლია.

Making the hard courts look easy ????@DjokerNole is into his 10th #AusOpen semifinal!@wwos • @espn • @eurosport • @wowowtennis • #AO2023 pic.twitter.com/bLy6VAxKZG

— #AusOpen (@AustralianOpen) January 25, 2023

შედარებით რთული ბრძოლის გადატანა მოუწია პოლს. ამერიკელმა ჩოგბურთელმა თანამემამულე ბენ შელტონს 4 სეტში სძლია. პოლმა 7:6 (8:6), 6:3, 5:7, 6:4 იმარჯვა და ნახევარფინალში ურთულესი გამოცდის ჩაბარება მოუწევს.

ქალთა თანრიგს რაც შეეხება, პირველ ნახევარფინალურ წყვილში ელენა რიბაკინასა და ვიქტორია აზარენკას დაპირისპირებას ვიხილავთ. მათი გამარჯვებული კი მაგდა ლინეტსა და არინა საბალენკას შორის საუკეთესოს გაეჯიბრება. ქალთა თანრიგის ფინალისტების ვინაობა ხვალ გაირკვევა, კაცების კი - ზეგ.