თრილერი, რომელმაც ირანი დააზარალა - ალჟირი და ავსტრია ბრძოლას განაგრძობენ

მსოფლიოს საფეხბურთო ჩემპიონატის ჯგუფური ეტაპი საოცარი მატჩით დასრულდა - ალჟირი-ავსტრიის შეხვედრაში ფრე ორივე გუნდისთვის მისაღები შედეგი იყო და მაშინ როდესაც ყველაფერი აქეთკენ მიდიოდა და არბიტრის მიერ კომპენსირებულ დროში 2:2 ფიქსირდებოდა, ალჟირელები აფეთქდნენ და მათმა კაპიტანმა რიად მაჰრეზმმა 93-ე წუთზე თავისი გუნდი დააწინაურა. მოვლენათა ასეთი განვითარებით, აფრიკელები მეორე ადგილით გადიოდნენ 1/16-ფინალში, ხოლო 3-ქულიანი ავსტრიის ნაცვლად მესამეადგილოსნების რეიტინგში ადგილს ირანი იკავებდა. თუმცა, მინდორზე 95-ე წუთზე გამოსულმა საშა კალაიძიჩმა 96-ეზე თავური დარტყმით წონასწორობა აღადგინა და ავსტრიელები მეორე ადგილზე დააბრუნა.

რაც შეეხება უშუალოდ თამაშს, მაყურებელმა ნამდვილად სანახაობრივი და უშეღავათო დაპირისპირება იხილა. კანზასში გამართულ მატჩში ავსტრიელები 28-ე წუთზე მარკო არნაუტოვიჩმა დააწინაურა, რომელსაც ასისტენტობა დავიდ ალაბამ გაუწია. პირველი ტაიმის ბოლოს წონასწორობა რაფიკ ბელგალიმ აღადგინა. მართალია, 55-ე წუთზე ევროპელები კონრად ლაიმერისა და მარსელ ზაბიცერის კომბინაციით ისევ წინ გავიდნენ, თუმცა ზუსტად ხუთ წუთში რიად მაჰრეზმა კიდევ ერთხელ გაათანაბრა. 2:2-ზე კომპენსირებულ დროში რა ამბებიც დატრიალდა კი, ამაზე ზემოთ უკვე მოგიყევით.

ცნობისათვის, ავსტრიის ნაკრების ნაკრები ტურნირის მეთექვსმეტედფინალში ევროპის მოქმედი ჩემპიონი ესპანეთი იქნება, ხოლო ალჟირელები მერვედფინალის საგზურის მოპოვებას შვეიცარიასთან დაპირისპირებაში შეეცდებიან.