ტრამპი: მსოფლიო ჩემპიონატმა აშშ-ის ეკონომიკას 18 მილიარდ დოლარზე მეტი მოუტანა
აშშ-ის პრეზიდენტმა დონალდ ტრამპმა განაცხადა, რომ 2026 წლის მსოფლიო ჩემპიონატის ჩატარებამ ქვეყნის ეკონომიკას 18 მილიარდ დოლარზე მეტი მოუტანა.
მსოფლიო ჩემპიონატი აშშ-ში, კანადასა და მექსიკაში 2026 წლის 11 ივნისიდან 19 ივლისის ჩათვლით გაიმართა. ტურნირს 11-მა ამერიკულმა ქალაქმა უმასპინძლა.
„დაუჯერებელი ზაფხული ამერიკელი მოგზაურებისთვის! ამერიკელებმა თითქმის 300 მილიარდი მილი დაფარეს. ჩვენმა ეროვნულმა პარკებმა 78 მილიონ მნახველს უმასპინძლეს.
ფეხბურთში მსოფლიო ჩემპიონატმა ჩვენს ეკონომიკას 18 მილიარდ დოლარზე მეტი მოუტანა და 160 000-ზე მეტი სამუშაო ადგილი შექმნა! მოგზაურობა და ტურიზმი ქმნის სამუშაო ადგილებს, ინვესტიციებს და მილიარდობით დოლარს, რომლებიც ამერიკულ საწარმოებსა და თემებში შედის.
ჩვენ ვამცირებთ ბიუროკრატიას, ვახდენთ ავიაგადაზიდვების მოდერნიზებას და ვამარტივებთ შეერთებულ შტატებში ვიზიტებსა და ბიზნესის კეთებას.
ამერიკა ღიაა ბიზნესისთვის და საუკეთესო ჯერ კიდევ წინაა!“
- დაწერა დონალდ ტრამპმა.
