ჰალეს ტურნირი - ბასილაშვილი ძირითად ბადეში ითამაშებს
ჰალეს ტურნირის კვალიფიკაციის ფინალში ნიკოლოზ ბასილაშვილი მისთვის კარგად ნაცნობ მეტოქეს, ლორენცო სონეგოს დაუპირისპირდა და ორ სეტში 6:4 6:4 დაამარცხა. ამ შედეგით ქართველი ჩოგბურთელი ჰალეს ძირითად ბადეში ითამაშებს.
პირველი სეტი ნიკოლოზის დომინირებით წარიმართა. იტალიელს არცერთი ბრეიკ პოინტი არ ჰქონდა. თავად ბასილაშვილმა მეტოქის ჩაწოდება მე-7 გეიმში მოიგო და სეტი მისთვის ლოგიკურ დასასრულამდე მიიყვანა.
მეორე სეტში ქართველს კიდევ უფრო დიდი უპირატესობა ჰქონდა და ზედიზედ 2 ბრეიკი შეასრულა.
მე-8 გეიმში იტალიელმა ერთი ბრეიკით ჩამორჩენა შეამცირა, თუმცა ეს საკმარისი არ იყო და ბასილაშვილმა მატჩი მაინც მოიგო.
შეგახსენებთ, რომ ეს ჩოგბურთელები კარიერაში ერთმანეთს მეხუთედ შეხვდნენ და ბასილაშვილმა სონეგოს დამარცხება მეორედ მოახერხა.
