გაოცებული დავრჩი, რაც ილიას მიმართ დაიწერა | ბასილაშვილმა თოფურიას კრიტიკოსებს უპასუხა
ნიკოლოზ ბასილაშვილი ილია თოფურიას ირგვლივ ატეხილ კრიტიკას გამოეხმაურა. ქართველი ჩოგბურთელი სოციალურ ქსელებში გავრცელებულ იმ კომენტარებს შეეხო, სადაც ადამიანები ილია თოფურიას ბრძოლის „ჩაწყობაზე“ საუბრობენ. ბასილაშვილის თქმით, მსგავსი შინაარსის კრიტიკა საკუთარ თავზე არაერთხელ გამოუცდია, თუმცა გაოცებულია, რომ ილიას შემთხვევაშიც ანალოგიური რეაქცია მოჰყვა.
ნიკოლოზ ბასილაშვილი: „ამ თემასთან დაკავშირებით მხოლოდ ერთხელ გავაკეთე კომენტარი. ყოველი წაგებული თამაშის შემდეგ ბევრი მწერდა და ახლაც მწერს, რომ თამაში გაყიდული იყო. ადრე ეს თემა ყოველთვის გულთან ახლოს მიმქონდა და ძალიან განვიცდიდი, მით უმეტეს, როცა ამას ქართველი მეუბნებოდა. დღეს კი გაოცებული დავრჩი, როდესაც ილიას მიმართაც იგივე შინაარსის კომენტარები ვნახე. კიდევ ერთხელ ვიმეორებ: ჩემთვის ფსონებზე მოტივირებული გულშემატკივრობა ნულის ტოლფასია.“
შეგახსენებთ, ვაშინგტონში, UFC 250-ზე ქვემსუბუქი წონის საჩემპიონო ბრძოლაში ილია თოფურია ჯასტინ გეიჯის დაუპირისპირდა და სენსაციურად დამარცხდა.
