პირველივე წრეში - ვავრინკა ავსტრალიის ღია პირველობაზე დამარცხდა
დღეს, საჩოგბურთო სამყაროში ავსტრალიის ღია პირველობა დაიწყო. პირველ სათამაშო დღეს სენსაციის გარეშე არ ჩაუვლია. კოლოსალურად გამოცდილი სტენ ვავრინკა ალექს მოლჩანს დაუპირისპირდა და 5 სეტში 7:6 3:6 6:1 6:7 4:6 წააგო. მატჩი 4 საათი და 24 წუთი გაგრძელდა.
შვეიცარიელი ჩოგბურთელი დიდი ხანია იდეალური ფორმისგან შორს იმყოფება. ვავრინკა ATP რეიტინგში 100-ეულს მიღმა იმყოფება. სტენი კონკრეტულად 139-ე ნომერი გახლავთ.
ცნობისთვის, უკანასკნელად გამოცდილი შვეიცარიელი ყველაზე შორს მეცის ტურნირზე გავიდა, სადაც ნახევარფინალში ბუბლიკს უნდა შეხვედროდა, მაგრამ ჯანმრთელობის პრობლემების გამო დანებდა.
შეგახსენებთ, რომ ვავრინკამ კარიერის განმავლობაში 3 დიდი სლემი მოიგო. სტენმა ამერიკის, ავსტრალიის და საფრანგეთის ღია პირველობა მოიგო, ხოლო უიმბლდონზე მისი მაქსიმუმი მეოთხედფინალი იყო.
