გორგოძე მერვედფინალშია | ტოლენტინოს ჩელენჯერი გამარჯვებით დაიწყო

იტალიის ქალაქ ტოლენტინოში მიმდინარე თიხის საფარის ქალთა ჩელენჯერის 1/16-ფინალში ქართველმა ჩოგბურთელმა, ეკატერინე გორგოძემ ბრაზილიელ ლაურა პიგოსის სძლია. ტურნირზე მე-7 ნომრად განთესილმა გორგოძემ, რომელიც WTA-ის რეიტინგში 154-ე პოზიციას იკავებს, მსოფლიოს 224-ე ჩოგანი დაძაბულ სამსეტიან ბრძოლაში, სამ სეტში 6:1, 5:7, 6:3 მოიგო.

შეხვედრა 2 საათი და 16 წუთი გაგრძელდა. მატჩი ქართველი სპორტსმენის დომინაციით დაიწყო, გორგოძემ პირველი სეტი 29 წუთში, დამაჯერებელი ანგარიშით 6:1 მოიგო. მეორე სეტში პიგოსიმ წინააღმდეგობის გაწევა შეძლო და მატჩის ყველაზე ხანგრძლივ მონაკვეთში (1 საათი და 1 წუთი) 7:5 იმარჯვა, რითაც თამაშში წონასწორობა აღადგინა.

გადამწყვეტ მესამე სეტში ინიციატივა კვლავ ქართველმა ჩოგბურთელმა მოიპოვა, 46 წუთში მეტოქეს 6:3 მოუგო, რითაც ტურნირის მომდევნო ეტაპის საგზური მოიპოვა. აღსანიშნავია გორგოძის მაღალი ეფექტურობა ბრეიკ-პოინტების რეალიზებისას: მან 9-დან 8 შანსი წარმატებით გამოიყენა, მაშინ როცა ბრაზილიელმა 8-დან 5 ბრეიკ-პოინტის რეალიზება შეძლო.