“ვალენსიადან, რომ დამირეკონ, ყატარიდან ფეხითაც ჩავალ“ - ხამესი მამარდასთან?
სატრანსფერო ფანჯრის ბოლო დღეს, შესაძლოა „ვალენსიამ“ ხამეს როდრიგესი გაიფორმოს.
კარლოს სოლერი მალე პსჟ-ს ფეხბურთელი ოფიციალურად გახდება და „ღამურებს“ ცენტრში ახალი შუახაზელი სჭირდებათ.
ესპანური As-ის ცნობით, „მესტალიას“ ბინადრებმა კოლუმბიელის გაფორმება გადაწყვიტეს და სატრანსფერო ფანჯრის ბოლო საათებში მოლაპარაკებების წამოწყებას გეგმავენ.
„ვალენსიადან, რომ დამირეკონ, ყატარიდან ფეხითაც ჩავიდოდი. ხელფასსაც დავიკლებდი. თუ გუნდს კავანის დასახმარებლად ვინმე დასჭირდება, მზად ვარ. ეს დიდებული კლუბია, დიდებული ქომაგებით. ჯერ არაფრი ვიცი, კიდევ დღენახევარი რჩება. ვნახოთ რა მოხდება“.
- ამბობს ხამესი „ღამურების“ ინტერესის შესახებ.
Gracias a todos por su palabras y su cariño.
— James Rodríguez (@jamesdrodriguez) August 31, 2022
#ElValencianismoQuiereAJames
????????????
წყაროს ცნობით, მიუხედავად ორივე მხარის სურვილისა, ტრანსფერი მაინც რთული განსახორციელები იქნება, რადგან დრო საკმაოდ მცირეა.
შეგახსენებთ, რომ ხამესისთვის ლა ლიგა ნაცნობი ჩემპიონატია. კოლუმბიელი 2014-17 წლებში მადრიდის „რეალის“ ღირსებას იცავდა.
