ხოსე მანუელ ოჩოტორენა 64 წლის ასაკში გარდაიცვალა
ესპანეთის ნაკრებისა და „ვალენსიას“ ყოფილი მეკარე, ხოსე მანუელ ოჩოტორენა 64 წლის ასაკში გარდაიცვალა. ბოლო თვეების განმავლობაში ოჩოტორენა დაავადებას ებრძოდა და სამწუხაროდ, მისი დამარცხება ვერ მოახერხა.
„ვალენსიამ“ ოფიციალური განცხადება გაავრცელა, რომლითაც მომხდარის შესახებ გვაუწყა და ფეხბურთელის ოჯახის წევრებს მიუსამძიმრა.
Desde el Valencia CF lamentamos profundamente el fallecimiento de José Manuel Ochotorena, Leyenda de nuestro Club y referente del fútbol español.
— Valencia CF (@valenciacf) October 27, 2025
Mítico portero del Valencia CF, donde llegó a ser trofeo Zamora, siguió forjando su leyenda y dejando una huella imborrable como… pic.twitter.com/l4imxAfFF5
„ღამურების“ გარდა, ოჩოტორენას „რეალში“, „ტენერიფესა“ და „ლოგრონესში“ უთამაშია. მან კარიერა 1998 წელს დაასრულა და გოლკიპერების მწვრთნელი გახდა. ხოსე მანუელი „ვალენსიასა“ და ესპანეთის ნაკრების მეკარეებს ავარჯიშებდა.
როდესაც გიორგი მამარდაშვილი „ვალენსიაში“ გადავიდა, მასთან სწორედ ოჩოტორენა მუშაობდა. ესპანელმა სპეციალისტმა „მამარდას“ პროგრესში დიდი წვლილი შეიტანა და თავად გიორგისაც აღუნიშნავს, რომ მისგან ძალიან დიდი ცოდნა მიუღია.
