ბითაძის 6 ქულა - ორლანდომ პირველი მატჩი ატლანტასთან წააგო

ნაციონალური საკალათბურთო ასოციაციის მორიგ სეზონში პირველი მატჩი გამართა გოგა ბითაძის „ორლანდო მეჯიქმა“ - ფლორიდელები საკუთარ კედლებში „ატლანტა ჰოუქსთან“ დამარცხდნენ - 125:132.

ქართველმა ცენტრმა პარკეტზე 11:44 წუთი გაატარა. გოგა გუნდს 6 ქულით, 6 მოხსნითა და 1 შედეგიანი გადაცემით დაეხმარა. ბითაძემ 3-დან 1 ორქულიანი და 5-დან 4 საჯარიმო ჩააგდო.

გოგას გამორჩეული მომენტები

მის თანაგუნდელებს შორის ყველაზე შედეგიანი 35 ქულითა და 10 შედეგიანი გადაცემით პაოლო ბანკერო იყო. ფრანც ვაგნერმა და ვენდელ კარტერ უმცროსმა 22-22 ქულა ჩააგდეს. რაც შეეხება „ქორებს“, 31 ქულა ნიკილ ალექსანდერ-უოკერმა დააგროვა, 20-20 ქულა კი ჯეილენ ჯონსონმა და დაისონ დენიელსმა. ჯონსონმა 14 მოხსნაც მიითვალა (ყველა საკუთარ ფარზე).

მომდევნო ტურში „ორლანდო“ „მინესოტას“ მიიღებს. ეს მატჩი 24 ოქტომბერს გაიმართება.