„ძალიან ცუდები არიან, ცენტრსაც ვერ გადმოსცდნენ“ - როდრიმ გაიას დაურეკა და მოუბოდიშა
„ბარსელონას“ ნახევარმცველმა როდრიმ „ვალენსიას“ ლა ლიგის მატჩის დროს ნათქვამი სიტყვების გამო ბოდიში მოუხადა.
6 სექტემბერს კატალონიურმა კლუბმა კარლოს კორბერანის გუნდი სტუმრად, ლა ლიგის მე-4 ტურში 5:0 გაანადგურა.
პროგრამაში El Día Después აჩვენეს როდრისა და პაუ კუბარსის დიალოგი, რომლებიც მეორე ტაიმში სათადარიგოთა სკამზე ისხდნენ. 62-ე წუთზე შეცვლილმა ნახევარმცველმა თანაგუნდელს უთხრა:
„ისინი საშინელები, ძალიან ცუდები არიან. ძმაო, მეორე ტაიმში მოედნის ცენტრალური ხაზიც კი არ გადაუკვეთიათ. გასულ სეზონში როგორ არ გავარდნენ?“
- მოგვიანებით Movistar+-მა ეს ვიდეო წაშალა.
როგორც As-ი გამოცემა A Punt-ზე დაყრდნობით იუწყება, როდრიმ „ვალენსიას“ კაპიტანს, ხოსე გაიას დაურეკა და თავისი გამონათქვამების გამო ბოდიში მოუხადა. აღინიშნება, რომ „ბარსელონას“ ნახევარმცველმა გააცნობიერა, რომ შეცდომა დაუშვა.
