“მიზანი გამარჯვებაა“ - მარსელინო ვალენსიასთან მატჩის წინ

ლა ლიგის მორიგ ტურში ვილიარეალი ვალენსიას უმასპინძლებს. მატჩის წინ, ყვითელი წყალქვეშა ნავის მთავარმა მწვრთნელმა მარსელინო გარსია ტორალმა ჟურნალისტებთან ისაუბრა.

მარსელინო:

„პარეხომ პირველად ივარჯიშა. ვნახოთ შეძლებს, თუ არა ხვალ თამაშს. ვფიქრობ, რთული მატჩი გველის. სეზონის ბოლო მესამედში ვართ და ყველა გუნდი საკუთარ მიზნებზეა კონცენტრირებული. მათ კარგი გუნდი ჰყავთ, მკაფიო სტრუქტურით და ფეხბურთელებით, რომლებმაც ფორმა დაიბრუნეს. სტუმრად არასტაბილურები იყვნენ, მაგრამ ბოლო გასვლით შეხვედრებში პროგრესი აჩვენეს.

ამ მატჩს ბოლო გამარჯვების შემდეგ გაზრდილი თავდაჯერებით შეხვდებიან. დერბის ყოველთვის ემოციური კომპონენტი აქვს დამატებით. ველოდები ისეთივე თამაშს, როგორიც გასულ სეზონში იყო — რთულს, დაძაბულს; თითქმის მოგებული გვქონდა და მათ გაათანაბრეს.

წარსულ წყენებსა და მოგონებებზე არ ვჩერდები; ზომიერად ვცხოვრობ აწმყოთი, გარდა სათადარიგოთა სკამისა, სადაც ცოტა უფრო ემოციური ვხდები. მადლობელი ვარ ვალენსიას და მისი გულშემატკივრების — იქ კარგი წლები მქონდა, მოულოდნელი დასასრულით, გარდა იმ ადამიანისა, ვინც გადაწყვეტილება მიიღო. ახლა კი აქ ძალიან ბედნიერი და კმაყოფილი ვარ. წინ საინტერესო გამოწვევა გვიდგას და მის მისაღწევად ვალენსიას უნდა მოვუგოთ.“

შეგახსენებთ, რომ გიორგი მიქაუტაძე შესანიშნავ ფორმაშია და მან ბოლო 3 მატჩში გაიტანა. ქართველ თავდამსხმელს ღამურების წინააღმდეგ ძირითად შემადგენლობაში ელიან. აღნიშნული დაპირისპირება 22 თებერვლით თარიღდება და თბილისის დროით 23:55-დან დაიწყება.

ასევე შეგახსენებთ, მარსელინო გარსია ტორალი 2017/2019 წლებში ვალენსიას მთავარი მწვრთნელი იყო და მისთვის ეს დაპირისპირება პრინციპულია.