მიქაუტაძეს ერთი მომენტი ჰქონდა - ვილიარეალმა ელჩესთან ქულები დაკარგა

ლა ლიგის მეცხრე ტურში გიორგი მიქაუტაძის „ვილიარეალმა“ საკუთარ მოედანზე „ელჩე“ მიიღო - მატჩი ფრედ, 0:0 დასრულდა.

ქართველმა ფორვარდმა მატჩი სათადარიგოთა სკამზე დაიწყო და თამაშში მხოლოდ 66-ე წუთზე ჩაერთო. მიქაუტაძეს თავის გამოჩენის საშუალება არ ჰქონია, ერთ ეპიზოდში კი ჟერარ მორენოს გადაცემაზე სათამაშოდ მას სანტიმეტრები დააკლდა.

Sofascore-მა მიქაუტაძის თამაში 6.7 ქულით შეაფასა, მისი სტატისტიკა კი ასეთი იყო: 9 შეხება ბურთთან, 7-დან 7 ზუსტი პასი (100%), 1 ჩაჭრა და 1 დაკარგული ბურთი.

„ვილიარეალი“ 9 ტურის შემდეგ 9 ქულით სატურნირო ცხრილის მე-9 ადგილზეა. მომდევნო ტურში მიქაუტაძის გუნდი „ვალენსიას“ ესტუმრება, მანამდე კი 20 ოქტომბერს „ენფილდზე“ გიორგი მამარდაშვილის „ლივერპულს“ დაუპირისპირდება.