რიდი თავის გუნდში საუკეთესო იყო - ბაჰჩეშეჰირმა ბურსასპორს მოუგო

თურქეთის სუპერლიგის მეოთხე ტურში „ბაჰჩეშეჰირი“, რომლის ღირსებასაც საქართველოს ნაკრების ნატურალიზებული გამთამაშებელი მარკის რიდი იცავს, „ბურსასპორს“ ესტუმრა და 90:80 გაიმარჯვა.

მარკის რიდმა პარკეტზე 20:55 წუთი გაატარა და ამ დროში 16 ქულა, 2 მოხსნა, 2 შედეგიანი გადაცემა, 1 ჩაჭრა და 1 დაფარება დააგროვა. რიდმა 8-დან 6 ორქულიანი ჩააგდო, საჯარიმო ხაზიდან კი ოთხივეჯერ ზუსტად ისროლა.

„ბაჰჩეშეჰირის“ რიგებში რიდი ყველაზე შედეგიანი იყო, „ბურსასპორს“ კი 20 ქულით ჯეივონ ფრიმან-ლიბერთიმ ულიდერა.

„ბაჰჩეშეჰირმა“ სუპერლიგაში 4-დან 4 მატჩი მოიგო და მომდევნო ტურში 24 ოქტომბერს „ბეშიქთაშს“ მიიღებს, მანამდე კი 21 ოქტომბერს ევროთასზე „ბოსნას“ ესტუმრება.