რონალდუ არ მიდის
რონალდუ არ მიდის
ბასილაშვილი უიმბლდონს იწყებს
ბასილაშვილი უიმბლდონს იწყებს
დიბალა და კვარა ერთ გუნდში?
დიბალა და კვარა ერთ გუნდში?
როგორია ხვიჩას ნაპოლის განრიგი
როგორია ხვიჩას ნაპოლის განრიგი
ლევანდოვსკის რონალდუ ჩაანაცვლებს
ლევანდოვსკის რონალდუ ჩაანაცვლებს
ბეილი კარდიფში?
ბეილი კარდიფში?
მარსელო რეალიდან წავიდა
მარსელო რეალიდან წავიდა
კვარაშოუ და კვარამაგია
კვარაშოუ და კვარამაგია
რევანში აღებულია
რევანში აღებულია
თოფურია UFC-ის ამომავალ ვარსკვლავებში
თოფურია UFC-ის ამომავალ ვარსკვლავებში
ნადალი ჩემპიონია
ნადალი ჩემპიონია
ტალახაძე ევროპის ჩემპიონია
ტალახაძე ევროპის ჩემპიონია
შვიონტეკმა როლან გაროსი მოიგო
შვიონტეკმა როლან გაროსი მოიგო
მოურინიო პსჟ-ში?
მოურინიო პსჟ-ში?
ბოსტონი სუპერფინალშია!
ბოსტონი სუპერფინალშია!
არქანია ბრინჯაოს მფლობელია
არქანია ბრინჯაოს მფლობელია
ბერიძემ უიპეშტი დატოვა
ბერიძემ უიპეშტი დატოვა
ცონგა წავიდა
ცონგა წავიდა
გოლდენ სტეიტის ზედიზედ მე-3 მოგება
გოლდენ სტეიტის ზედიზედ მე-3 მოგება
ზიდანი პსჟ-ს არ გაწვრთნის
ზიდანი პსჟ-ს არ გაწვრთნის
დიდი აღიარება: ნიკა ამაშუკელი სამხრეთ აფრიკა v უელსს იმსაჯებს
Aa Aa
21 აპრილი 2022  |  15:13

დიდი აღიარება: ნიკა ამაშუკელი სამხრეთ აფრიკა v უელსს იმსაჯებს

საქართველოს საუკეთესო რეფერი ნიკა ამაშუკელი, 2 ივლისს პრეტორიაში, სამხრეთ აფრიკისა და უელსის მატჩს იმსაჯებს.

ეს არის პირველი შემთხვევა მსოფლიო რაგბის ისტორიაში, როდესაც ტიერ2 ქვეყნის წარმომადგენელი ტიერ1-ის გუნდების სრულფასოვან ტესტს იმსაჯებს. ამაშუკელი ზაფხულის ტესტებზე სამხრეთ აფრიკაში დარჩება და 16 ივლისს, კეიპტაუნში, „ბოკესა“ და უელსის მესამე მატჩში გვერდითი მსაჯი იქნება.

27 წლის მსაჯმა პრეტორიამდე ურთულესი გზის ნაწილი გაიარა, ნაწილს კი ახლა გადის. მხოლოდ ამ ერთი თვის განმავლობაში, მას ხუთი მაღალი დონის თამაშის გაძღოლა ანდეს. ნიკა სამჯერ ჩავიდა საფრანგეთში და ჯერ ტოპ 14-ის ლიდერების, „ბორდოსა“ და „ლა როშელის“ თამაში იმსაჯა, მერე კი ჩემპიონთა თასის ფლეი ოფში: კლერმონი – ლესთერი და რასინგ 92 – სტად ფრანსე.

ას ამბობს ამაშუკელი ახალ გამოცდილებაზე:

„არანორმალურ რეჟიმში ვარ. ზედიზედ სამი კვირაა საფრანგეთში დავდივარ, ახლა კი ორი კვირით სამხრეთ აფრიკაში მივდივარ. მთელი თვე უმაღლესი დონის თამაშებს ვმსაჯობ, რაც ფსიქოლოგიურ და ფიზიკურ სირთულეებთანაა დაკავშირებული, თუმცა შრომა მიფასდება და რადგან ყოველი თამაშის შემდეგ უმაღლეს შეფასებებს ვიღებ, ლოგიკურად უფრო მაღალი დონის დანიშვნები მოდის. ერთადერთი გული იმაზე მწყდება, რომ საერთაშორისო ვალდებულებების ფონზე დიდ 10-ს ვაკლდები“.

ზაფხულის ტესტ-მატჩებამდე, ის სამხრეთ აფრიკაში ორი კვირით ჩავა და გაერთიანებულ რაგბი ჩემპიონატში 23 აპრილს ადგილობრივი „შარქსისა“ და ირლანდიური „ლენსთერის“, 29 აპრილს კი „ბულსისა“ და შოტლანდიური „გლაზგო ვორიორზის“ თამაშს იმსაჯებს. ამ ყველაფრის ლოგიკური გაგრძელება კი ზაფხულში, სამხრეთ აფრიკისა და უელსის ტესტ-მატჩზე დანიშვნაა:

„ეს არის ტიერ 1-ის ქვეყნების სრულფასოვანი ტესტი, რომელსაც მე ვიმსაჯებ და ყველამ იცის, რომ ეს თამაში ყოველმხრივ გამორჩეულია რაგბის სამყაროში. არც კი ვიცი მეტი რა შეიძლება რაგბიზე შეყვარებულმა კაცმა ინატროს. ახლა ჩემს კარიერაში, ცხოვრებაში გარდამტეხი, განსაკუთრებული პერიოდია და მას მოუმზადებელი ვერ დახვდები. წნეხი კოლოსალურად დიდია, წარმოუდგენელი სირთულეების გადალახვა მიწევს და უწინარესად, ფსიქოლოგიურად უნდა ვიყო კარგად და მერე სხვა დანარჩენ კომპონენტებში. რაგბისთვის ფაქტობრივად ცხოვრება მაქვს გადადებული, რათა ჩემს საქმიანობაში არანაირი ხარვეზი არ იყოს და ბედნიერი ვარ, რომ ეს შრომა და თავგანწირვა ასეთი დონის თამაშებზე დანიშვნით მიფასდება“.

არის ერთი ადამიანი, რომლის გარეშე ნიკას ასეთი წინსვლა წარმოუდგენელი იქნებოდა. ეს ირლანდიელი დევიდ მაკქიუა, რომელიც საქართველოს რაგბის კავშირის მსაჯთა მენეჯერი და რამდენიმე ქართველი მსაჯის, მათ შორის ამაშუკელის პირადი მწვრთნელია. შეგირდისა და მასწავლებლის ურთიერთობა დიდი ხანია მეგობრობაში გადაიზარდა და ქართველ რეფერის მისი ღვაწლის დაფასება არასდროს ავიწყდება:

„მაკქიუმ ამ პერიოდში საოცარი სამუშაო გაწია. ის ჰაერივით სჭირდება ქართულ რაგბის და მადლობა რაგბის კავშირს, რომლის დამსახურებით წლების წინ დაწყებული ურთიერთობა სულ უფრო ღრმავდება. მსაჯის შრომაში მოედანს მიღმა უდიდესი შრომაა ჩაქსოვილი და რაც ჩვენს, ქართველი მსაჯების თავს ხდება, სწორედ მაკქიუს დამსახურებაა. ვიმედოვნებ, რომ ეს ფასდაუდებელი პროექტი მომავალშიც გაგრძელდება და სხვა ქართველი მსაჯებიც გამოჩნდებიან ამ დონეზე, საბოლოოდ კი დაინგრევა სტერეოტიპი, რომ რაგბი მხოლოდ ელიტურ სარაგბო ქვეყნებში ესმით“.

საქართველოს რაგბის კავშირი

მსგავსი სიახლეები

ეს გვერდი უკეთ ჩანს მობილურ აპლიკაციაში
YouTube პრომო
ასევე დაგაინტერესებთ
„მათთან თამაში ძალიან სასიხარულო და საინტერესო
„მათთან თამაში ძალიან სასიხარულო და საინტერესო" - ბორჯღალოსნები უელსს შეხვდებიან