ტუხელმა კონტეს უპასუხა: "სულაც არ ვარ ნაწყენი, სწორად გამიგეთ"

„ჩელსის“ მთავარმა მწვრთნელმა ტომას ტუხელმა ანტონიო კონტეს უპასუხა.

როგორც მოგეხსენებათ, კონტემ ერთი დღის წინ განაცხადა, რომ -

„ჩემი აზრით, ჩელსიმ ჯერ არ იცის, როგორ გამოიყენოს ლუკაკუ. გასულ სეზონში მათ სუფთა ცენტრფორვარდი არ ჰყოლიათ. გუნდს ამ პოზიციაზე როტაცია ჰქონდა. რომელუ შეტევაში ნამდვილი დასაყრდენია. თუ ისინი მის გამოყენებას ისწავლიან, ჩემპიონთა ლიგაზე ამ გუნდის დამარცხება უკიდურესად რთული იქნება“,

- რასაც დღეს ტუხელის პასუხი მოჰყვა.

„ჩვენი ტოტენჰემთან თამაშის შემდეგ კონტე ტელევიზიით აშკარად არ გამოჩენილა. თუ, რომელუს თამაში მხოლოდ იუვენტუსის წინააღმდეგ ნახა, მაშინ კონტე მართალია.

ის იყო სატელევიზიო სტუდიაში ამ კონკრეტული თამაშის გასაანალიზებლად, ასე რომ ის მართალია, ეს არ განიხილება, მაგრამ ფაქტია, რომ ზოგადად ასეთი პრობლემა არ არსებობს, თუ სხვა თამაშებს შეხედავთ. ის შეიძლება ცდება.

სულაც არ ვარ ნაწყენი, სწორად გამიგეთ. კონტეს აქვს სრული უფლება ეს აზრი ჰქონდეს. ის სტუდიაში იყო.

მე დავინახე, რომ კონტე საუბრობდა ჩვენზე, მე ვნახე რომელუს და ჩვენი სხვა ფეხბურთელების ყველა ფოტო ტოტენჰემთან თამაშიდან, რომელიც მათ აჩვენეს. და სტუდიაში საუბრობდა იმაზე, თუ რამდენად კარგია რომელუ ურთიერთქმედებაში, რამდენად ძლიერია ის, რამდენი გაიტანა - მას აქებდნენ.

იუვესთან მატჩის შემდეგ მათ აქვთ უფლება თქვან, რომ ლუკაკუ ძალიან იზოლირებული იყო. დიახ, როგორც ჩანს, შვიდი მოთამაშე იყო მის ირგვლივ საჯარიმოში. მეტოქე ამაში კარგი იყო. მათ ითამაშეს საკუთარ სტილში და ეს უნდა მივიღოთ. მაგრამ ეს საერთოდ არ არის პრობლემა“,

- თქვა ტუხელმა.

ლუკაკუმ „ჩელსიში“ დაბრუნების შემდეგ „ლურჯების“ რიგებში 8 მატჩი ჩაატარა და 4 გოლი გაიტანა, თუმცა უკვე ოთხი მატჩია ის მეტოქეთა კარის დალაშქვრას ვეღარ ახერხებს.

შემოუერთდით ჩვენს Facebook ჯგუფს საგოლე გადაცემა