შენგელია და ბასკონია ფინალში გავიდნენ! თოკოს 17 ქულა ვალენსიასთან
თორნიკე შენგელიას „ბასკონიამ“ ესპანური ლიგა ენდესას ნახევარფინალურ შეხვედრაში „ვალენსია“ დაძაბულ ბრძოლაში 75:73 დაამარცხა და ფინალში გავიდა.
შენგელია პარკეტზე ერთ-ერთი საუკეთესო იყო. ქართველის მონაგარი 26:52 წუთში 17 ქულა, 4 მოხსნა, 1 გადაცემა და 1 ჩაჭრა გახლდათ. თოკომ 6-დან 4 ორქულიანი ჩააგდო, 8-დან 6 საჯარიმო ზუსტად გაუშვა, ბურთი მხოლოდ 2-ჯერ დაკარგა, მის წინააღმდეგ კი 4-ჯერ დაჯარიმდნენ.
Shengelia, ¡hasta la cocina! #VolverEsGanar pic.twitter.com/FF6ZsRgn71
— Basket en Movistar+ (@MovistarBasket) June 28, 2020
შენგელიას მარგი ქმედების კოეფიციენტი 19-ს გაუტოლდა და ის მხოლოდ თანაგუნდელ ზორან დრაგიჩს ჩამორჩა (25).
ამრიგად, „ბასკონია“ ფინალშია, სადაც „ბარსელონას“ დაუპირისპირდება, რომელმაც ნახევარფინალში საქართველოს ნაკრების ნატურალიზებული ამერიკელის თად მაკფადენის „ბურგოსს“ 98:84 სძლია. მაკფადენმა კატალონიელებს 10 ქულა ჩაუგდო.
¡Tenemos Final #LigaEndesa!
— Liga Endesa (@ACBCOM) June 28, 2020
???? @FCBbasket - Kirolbet @Baskonia
???? Martes 30, 20:00 horas
???? @vamos pic.twitter.com/hLSJbYAJbg
შეგახსენებთ, რომ ესპანეთის საკალათბურთო ჩემპიონატის ოფიციალურმა ვებგვერდმა გამოკითხვის გზით 2019-20 წლების სეზონის საუკეთესო ხუთეული შეადგინა. გამოკითხვაში ქომაგები, მედიის წარმომადგენლები, მოთამაშეები და მწვრთნელები მონაწილეობდნენ. მიმდინარე სეზონიდან გამომდინარე ხუთეულში თორნიკე შენგელიას არყოფნა სრული ნონსენსია, თუმცა სასიხარულოა, რომ ხუთეულში „იბეროსტარ ტენერიფეს'' ქართველი ლეგიონერი გიორგი შერმადინი მოხვდა.