ატალანტას 19 წლის ფეხბურთელი გარდაიცვალა
ბერგამოს „ატალანტას“ 19 წლის ფეხბურთელი ანდრეა რინალდი მოულოდნელად გარდაიცვალა. სიკვდილის მიზეზი ტვინის ანევრიზმა გახდა.
ამ თავზარდამცემ ინფორმაციას იტალიური კლუბის ოფიციალური ვებ-გვერდი ავრცელებს.
ახალგაზრდა ფეხბურთელი უმალვე კლინიკაში იქნა გადაყვანილი, თუმცა ექიმებმა მისი გადარჩენა ვერ შეძლეს.
„მოედანზე უკანასკნელი იყავი, ვინც ნებდებოდა და ახლაც ბოლომდე იბრძოლე, რათა სიცოცხლე ნაადრევად არ დაგესრულებინა“, - ვკითხულობთ ბერგამოელთა განცხადებაში.
ანდრეა რინალდი „ატალანტას“ სკოლის აღზრდილი გახლდათ. მან კლუბის ყველა ასაკობრივი გუნდი გაიარა. 2019-2020 წლების სეზონში ის სერია დ-ს წარმომადგენელ „ლენიანოში“ იყო განათხოვრებული.
შეგახსენებთ, რომ „ატალანტამ“ სერია ა-ს განახლებისთვის ვარჯიში უკვე დაიწყო. კლუბში კოვიდ-19-ზე ტესტირებებიც ჩატარდა.
Il Presidente Antonio Percassi e tutta la famiglia #Atalanta, profondamente colpiti, partecipano commossi al dolore dei familiari e del @aclegnano per la scomparsa di Andrea #Rinaldi.
— Atalanta B.C. (@Atalanta_BC) May 11, 2020
Ciao Andrea...https://t.co/BPqNgtp9HK
