სუპერმატჩი ჯოკოვიჩის სასარგებლოდ! - "ნოლემ" ფედერერს 3 სეტში აჯობა
ავსტრალიის ღია პირველობის პირველ ნახევარფინალურ მატჩში, ნოვაკ ჯოკოვიჩმა როჯერ ფედერერი 3 სეტში დაამარცხა და Aus Open-ის ფინალში კარიერაში მერვედ გავიდა.
ფედერერმა თამაში მაღალ ტემპში დაიწყო და პირველ სეტში თავად დომინირებდა, თუმცა შანსები ვერ გამოიყენა, ტაიბრეიკზე კი უკვე აღარაფერი გამოუვიდა.
მეორე პარტიაში ინიციატივას სერბი ფლობდა, რომელმაც ბოლო გეიმში ბრეიკი შეასრულა და 2:0 დაწინაურდა, რასაც დამაჯერებლად მოგებული მესამე სეტი მოჰყვა - 7:6; 6:4; 6:3.
???????? U-N-S-T-O-P-P-A-B-L-E ????????@DjokerNole def. Roger Federer for the 27th time 7-6(1) 6-4 6-3 to earn the chance to play for his 8️⃣th #AusOpen title ????#AO2020 pic.twitter.com/Hy7lu8AIHo
— #AusOpen (@AustralianOpen) January 30, 2020
სერბ ვარსკვლავს Aus Open-ის ნახევარფინალში არასდროს წაუგია და ტურნირის ფინალში მერვედ ითამაშებს, სადაც ასევე 100%-იანი სვლის გაგრძელებას შეეცდება.
მისი მომდევნო მეტოქე დომინიკ ტიმისა და ალექსანდრ ზვერევის ხვალ გასამართ ნახევარფინალურ შეხვედრაში გაირკვევა. Aus Open-ის მამაკაცთა თანრიგის ფინალი კვირასაა ჩანიშნული.
შეგახსენებთ, რომ ნოვაკ ჯოკოვიჩი დიდი სლემის მე-17 ტიტულს უმიზნებს. იგი, ამ მხრივ, მხოლოდ 19-სლემიან ნადალსა და 20-სლემიან იმავე ფედერერს ჩამორჩება.
