ამ პრიზის მიღება დიდი სიამოვნებაა | Transfermarkt-მა კიტეიშვილი დააჯილდოვა
Transfermatk-ის ავსტრიულმა გვერდმა ავსტრიის ბუნდესლიგის 2025-26 წლების სეზონის საუკეთესო ფეხბურთელის გამოსავლენად გამოკითხვა ჩაატარა, გამარჯვებული „შტურმის’’ ქართველი ფეხბურთელი ოთარ კიტეიშვილი გახდა. Transfermartk-ის წარმომადგენელმა დორიან შუსტერმა ქართველ „ათიანს'' აღნიშნული ჯილდო გადასცა.
„მოგესალმებით Transfermarkt-ის ყველა მომხმარებელს. დიდი მადლობა ხმის მიცემისთვის, ამ ჯილდოს მიღება ჩემთვის ნამდვილად დიდი სიამოვნებაა'' - აღნიშნა ოთარმა.
Transfermarkt-ის მონაცემებით, 2025-26 წლების სეზონში კიტეიშვილმა ბუნდესლიგის 29 მატჩში (2 020 წუთი) 15 გოლი გაიტანა და 5 საგოლე პასი შეასრულა.
გასული სეზონი „შტურმმა'' უტიტულოდ დაასრულა, ბუნდესლიგაში მეორე ადგილზე გავიდა, ლიდერ ლასკ-ს 2 ქულით ჩამორჩა, ავსტრიის თასის 1/4-ფინალში „ალტახთან'' დამარცხდა.
