გორგოძე ნახევარფინალში დამარცხდა და Aus Open-ისთვის მოემზადება
ეკატერინე გორგოძემ კანბერას 25 000-იან ტურნირზე გამოსვლა ნახევარფინალურ ეტაპზე დაასრულა.
ქართველი ჩოგბურთელი მსოფლიოს 187-ე ჩოგან მაგდალენა ფრეხს დაუპირისპირდა და ორ სეტში დამარცხდა. ფრეხმა პირველ სეტში ერთადერთი ბრეიკით იმარჯვა, მეორე პარტიაში კი გორგოძის ჩაწოდება ორჯერ აიღო. საბოლოოდ, ეკომ თამაში 4:6; 3:6 დათმო.
გორგოძემ ტურნირზე 3 მატჩი მოიგო და 1/2 ფინალში გასვლისთვის 18 სარეიტინგო ქულა დაიმსახურა. იგი WTA-ს ამჟამინდელ კლასიფიკაციაში 203-ე ადგილზეა.
28 წლის ქართველი წლის პირველი დიდი სლემის ტურნირისთვის მოემზადება, რომლის საკვალიფიკაციო ეტაპი 14 იანვრიდან იწყება.