ისტორიული გამარჯვება წყვილებში და მაინც მარცხი იაპონიასთან
საქართველოს ჩოგბურთელთა ეროვნულმა ნაკრებმა ავსტრალიაში მიმდინარე ATP CUP-ზე მეორე ტურის შეხვედრაც წააგო. ჩვენი გუნდი ამჯერად იაპონიასთან დამარცხდა.
დღის პირველი მატჩი სანდრო მეტრეველსა და გო სოედას შორის გაიმართა, რომელშიც, მოულოდნელად, ქართველმა პირველი სეტი მოიგო, თუმცა გამოცდილმა აზიელმა თამაშში გარდატეხა შეიტანა და საბოლოოდ 3 სეტში იმარჯვა - 4:6; 6:3; 6:2.
Soeda Survives
— ATPCup (@ATPCup) January 6, 2020
It’s a 1-0 lead for ???????? #TeamJapan with the 4-6 6-3 6-2 win over Metreveli.#ATPCup | #Perth pic.twitter.com/7Tu4IgPLoo
კიდევ უფრო მოულოდნელი სცენარით წარიმართა ერთეულთა მეორე შეხვედრა, რომელშიც ჩვენი ნაკრების ლიდერი, ნიკა ბასილაშვილი, იაპონელთა ნომერ მეორე ჩოგბურთელ იოშიტო ნიშიოკას უპირისპირდებოდა.
მსოფლიოს 73-ე ჩოგანმა თამაში შესანიშნავად ჩაატარა და ბასილაშვილს 6:2; 6:3 მოუგო. ნიკას მეორე სეტში არაერთი ბრეიკ-პოინტი ჰქონდა, თუმცა შანსები ვერ გამოიყენა და ნაკრებმაც საქმე გადამწყვეტ მატჩამდე ვერ მიიყვანა.
The best of Group B!@yoshihitotennis keeps ???????? #TeamJapan a perfect 5-0 at the #ATPCup besting Basilashvili 6-2 6-3 in #Perth pic.twitter.com/8GYpfUzc0N
— ATPCup (@ATPCup) January 6, 2020
შესაბამისად, წვილთა შეხვედრამ აზრი დაკარგა, მაგრამ მაინც სასიხარულოა, რომ ალექსანდრე ბაკშისა და ზურაბ ტყემალაძის დუეტმა იაპონელთა საკმაოდ ძლიერ წყვილს, მაკლაჰანისა და მაცუის შემადგენლობით, დამაჯერებლად - 6:2; 6:4 აჯობა. მაკლაჰანი წყვილთა ჩოგბურთში ცნობილი მოთამაშეა და მაღალი დონის ტურნირებზე რეგულარულად ასპარეზობს.
საქართველოს ნაკრებისთვის ATP CUP-ზე ისტორიაში პირველი გამარჯვება სწორედ ბაკშიმ და ტყემალაძემ მოიპოვეს.
How do you celebrate an #ATPCup doubles win?
— ATPCup (@ATPCup) January 6, 2020
Take it away, Zura Tkemaladze! ???? ????#JAPGEO | #Perth | ???????? #TeamGeorgia pic.twitter.com/CvwxXo0Bw4
შედეგად, საქართველოს ნაკრებს ორი ტურის შემდეგ ჯერ ქულა არ აუღია და შემდეგ ეტაპზე გასვლის შანსიც დაკარგა. ჩვენები ტურნირის ბოლო ტურში, 8 იანვარს, ურუგვაის წინააღმდეგ ითამაშებენ.
