მატჩი ნაადრევად დაასრულა - ბასილაშვილი მილანის ჩელენჯერს გამოეთიშა
უიმბლდონის პარალელურად, საჩოგბურთო სამყაროში მილანის ჩელენჯერი მიმდინარეობს, სადაც მონაწილეობას ნიკოლოზ ბასილაშვილი იღებდა.
ქართველი ჩოგბურთელი პირველ წრეში ადგილობრივ რაულ ბრანკაჩიოს დაუპირისპირდა.
ბასილაშვილმა პირველი სეტი პირწმინდად დათმო. იტალიელმა 2-ბრეიკიანი უპირატესობით - 6:1 გაიმარჯვა.
მეორე სეტიც რაულის უპირატესობით დაიწყო, ბრეიკი შეასრულა და 2:1 დაწინაურდა, თუმცა მატჩი არ დასრულდა.
ნიკოლოზმა დისკომფორტი იგრძნო და მატჩი ნაადრევად დაასრულა. გამარჯვება კი, რა თქმა უნდა, იტალიელს ჩაეთვალა.
შეგახსენებთ, რომ ბასილაშვილი მილნის ჩელენჯერზე მე-2 ნომრად იყო განთესილი და ერთ-ერთ მთავარ ფავორიტად ითვლებოდა.
