კლოპის ახალი კონტრაქტი: გერმანელი ''ლივერპულში'' 2024 წლამდე იმუშავებს!
საფეხბურთო კლუბ ''ლივერპულის'' მთავარმა მწვრთნელმა იურგენ კლოპმა კლუბთან ახალი კონტრაქტი გააფორმა. გერმანელი სპეციალისტი ''ენფილდზე'' 2024 წლამდე იმუშავებს. ინფორმაციას ინგლისური კლუბის ოფიციალური ვებგვერდი ადასტურებს.
BOSS ✊
— Liverpool FC (@LFC) December 13, 2019
We're delighted to announce Jürgen Klopp has agreed a contract extension ???? https://t.co/Eg13Fjj3Ek
კლოპის ხელმძღვანელობით ინგლისურმა კლუბმა 2018-19 წლების სეზონში ჩემპიონთა ლიგა მოიგო, მიმდინარე სეზონში კი პრემიერ ლიგას ლიდერობს. ამ ეტაპზე კლოპის ფეხბურთელები ჩემპიონატის მთავარი პრეტენდენტები არიან.
კლოპი ''ლივერპულის'' მთავარი მწვრთნელის პოსტს 2015 წლის აგვისტოდან იკავებს.
თანამედროვეობის ერთ-ერთმა საუკეთესო მწვრთნელმა კლუბის ოფიციალურ ვებგვერდთან საუბარში აღნიშნა, რომ შეთანხმებით ორივე მხარე კმაყოფილია და ''ენფილდზე'' მუშაობით ძალიან ბედნიერია, რადგან კლუბის ხელმძღვანელებთან შესანიშნავი ურთიერთგაგება ჩამოუყალიბდა.