დიდი სენსაცია! - სიტი 0:2 ვულვზი
პრემიერლიგის მე-8 ტურში უდიდესი სენსაცია დაფიქსირდა - „მანჩესტერ სიტი“ საკუთარ მოედანზე „ვულვზთან“ დამარცხდა!
8 ტურის შემდეგ „ლივერპული“ გვარდიოლას გუნდს უკვე 8 ქულით უსწრებს! კლოპის შეგირდები სანატრელ ჩემპიონობას ნელ-ნელა უახლოვდებიან, თუმცა ჯერ მაინც ძალიან ადრეა.
რაც შეეხება მატჩს, „ქალაქელები“ უდიდეს უპირატესობას ფლობდნენ და ბურთს 78%-ით აკონტროლებდნენ, თუმცა უშედეგოდ. პეპის გუნდმა მეორე ტაიმში კარში საერთოდ ვერ დაარტყა - 12 დარტყმიდან მიზანს ვერცერთმა უწია.
მე-80 წუთზე სტუმრები დაწინაურდნენ. გოლის ავტორი „ბარსას“ სკოლის აღზრდილი ადამა ტრაორე გახდა.
მსაჯის მიერ დამატებულ 94-ე წუთზე ტრაორემ დუბლი გაიფორმა და შეხვედრას წერტილი დაუსვა!