მებრძოლი ხასიათი, "ქამბექი" და უმძიმესი გამარჯვება US OPEN-ის სადებიუტო მატჩში!

სიახლე 26.08.2019
A+ A- 21:30

მარიამ ბოლქვაძემ დიდი სლემის ტურნირების ძირითად ბადეში პირველი მატჩი ჩაატარა და ამერიკის ღია პირველობის საწყის რაუნდში უმძიმეს ბრძოლაში იმარჯვა.

21 წლის ქართველი ადგილობრივ ბერნარდა პერას დაუპირისპირდა, რომელიც მასზე 3 წლით უფროსია, ხოლო WTA-ს რეიტინგში ბევრად წინ, 65-ე ადგილზე იმყოფება (ბოლქვაძე 202-ეა). ჩოგბურთელები ერთმანეთს პირველად ხვდებოდნენ.

მარიამი თამაშში კარგად შევიდა და 5 ბრეიკ-პოინტის ვერგამოყენების შემდეგ მეტოქის ჩაწოდება მაინც აიღო, უპირატესობის შენარჩუნება კი აღარ გასჭირვებია და პირველი სეტი ისე დახურა, რომ პერასთვის საკუთარ გეიმში შანსი არ მიუცია. მეტიც, 5:3-ზე კიდევ ერთი ბრეიკი შეასრულა, რაც პარტიის დასრულებასა და მეორე სეტის ქართველის ჩაწოდებით დაწყებას ნიშნავდა.

მეორე სეტში ჩოგბურთელები თავიანთ გეიმებს 4:3-მდე ინარჩუნებდნენ, რის შემდეგაც ბოლქვაძემ მეტოქის მოწოდებაზე უმძიმესი გეიმი მოიგო და მატჩზე ჩაწოდების უფლება მოიპოვა.

სწორედ ამ დროს, როცა ქართველი მატჩზე აწვდიდა, რუსული Eurosport-ის ლეგენდარულმა კომენტატორმა, ანნა დმიტრიევამ, პლიშკოვა-მარტინცოვას შეხვედრის პირდაპირი რეპორტაჟისას ბოლქვაძის კარგი თამაში აღნიშნა და გამოაცხადა, რომ მთელი თამაშის განმავლობაში საკუთარ მოწოდებაზე დამაჯერებლად მოასპარეზე ქართველს გადამწყვეტ მომენტში ჩაწოდებები არ გამოუვიდა, რაც დმიტრიევამ გამოუცდელობას მიაწერა.

78 წლის ანა დმიტრიევას, როგორც ყოველთვის, რეპორტაჟი ამჯერადაც ლეგენდარულ ქართველ ჩოგბურთელ ალექსანდრე მეტრეველთან ერთად მიჰყავდა. მეტრეველი უიმბლდონის 1973 წლის გათამაშების ფინალისტია, ATP-ს 5 ტიტული აქვს მოგებული და 1974 წელს მსოფლიოს მე-9 ჩოგანი გახლდათ.

პერამ აუცილებელი უკუბრეიკი შეასრულა, რასაც თავის გეიმში კარგი თამაშიც მიაყოლა და ანგარიში გაათანაბრა. 5:5-ზე ბოლქვაძის ჩაწოდებაზე ურთულესი ბრძოლა წარიმართა, რომელიც საბოლოოდ პერამ მოიგო, ამის შემდეგ სეტზეც წარმატებით ჩააწოდა და თამაში „დისაიდერში“ გადაიყვანა.

აღსანიშნავია, რომ მე-3 სეტის დაწყებამდე ბოლქვაძემ, რომელიც მთელი შეხვედრის განმავლობაში ფეხზე ორ ადგილას დამაგრებული სახვევით თამაშობდა, სამედიცინო შესვენება აიღო და კორტზე ექიმი გამოიძახა.

გადამწყვეტი სეტის სტარტზე ქართველს ცუდი მონაკვეთი ჰქონდა, მან 40:40-ზე ზედიზედ ორი ორმაგი შეცდომა დაუშვა და მეტოქეს პარტიის ბრეიკით დაწყების საშუალება მისცა, თუმცა მარიამმა თამაში გამოასწორა და უმძიმესი სეტის გადამწყვეტ მომენტებში მასპინძელ მეტოქეზე უკეთესი თამაშით დიდი სლემის ტურნირზე სადებიუტო მატჩი გამარჯვებით დაასრულა - 6:3; 5:7; 6:4.

დმიტრიევა-მეტრეველის ლეგენდარულმა დუეტმა ქართველის მოგება რიხიანად გამოაცხადა და მარიამის მებრძოლ ხასიათს გაუსვა ხაზი. აშკარა გახლდათ, რომ მათი სიმპათიები სწორედ ქართველი ჩოგბურთელისკენ იყო.

ვინც ქართველის თამაში სრულად იხილა, დამეთანხმება, რომ მარიამ ბოლქვაძე მენტალურად, ტექნიკურად და ტაქტიკურად ძალიან ნიჭიერი და მზარდი ჩოგბურთელია. დღეს მან დიდი სლემის ტურნირების ძირითად ბადეში პირველი მატჩი ჩაატარა, ტრავმები გვერდით გადავდოთ და წინ ბევრი დიდი სლემი და ბევრი მნიშვნელოვანი გამარჯვება იქნება.

მარიამი შემდეგ რაუნდში მსოფლიოს ერთ-ერთ უძლიერეს მოთამაშეს და WTA-ს რეიტინგის ამჟამინდელ მე-3 ნომერ ჩეხ კაროლინა პლიშკოვას შეხვდება, რომელმაც თანამემამულე ტერეზა მარტინცოვას 7:6; 7:6 მოუგო.

დიდი სლემების ტურნირების 20-გზის გამარჯვებულის როჯერ ფედერერის გამოსახულება შვეიცარიულ ფრანკზე გამოჩნდება.  ლეგენდარული ჩოგბურთელი პირველი შვეიცა...

ესპანეთის ვაჟ ჩოგბურთელთა ნაკრებმა დევისის თასი მეექვსედ მოიგო. ტურნირი ახალი ფორმატით ჩატარდა და ესპანელები მისი პირველი გამარჯვებულები გახდნენ. ფინა...

ლონდონში გამართული მამაკაცთა წლის შემაჯამებელი ტურნირი სტეფანოს ციციპასის ტრიუმფით დასრულდა. 21 წლის ბერძენმა ნახევარფინალურ ეტაპზე როჯერ ფედერერი ორ ...

ლონდონში გამართული წლის შემაჯამებელი ტურნირის გამარჯვებული 21 წლის ბერძენი სტეფანოს ციციპასი გახდა! ახალგაზრდა ბერძენმა თავის ახლადდაწყებულ კარიერაში ...

ლონდონში მიმდინარე წლის შემაჯამებელ ტურნირზე ბევრისთვის მოულოდნელი ფინალი მივიღეთ - სტეფანოს ციციპასი დომინიკ ტიმის წინააღმდეგ. 21 წლის ბერძენმა როჯერ...

ლონდონში მიმდინარე წლის შემაჯამებელ ტურნირზე პირველი ფინალისტის ვინაობა გახდა ცნობილი. 21 წლის სტეფანოს ციციპასმა 38 წლის როჯერ ფედერერი 2 სეტში 6:3, ...

როჯერ ფედერერმა წლის შემაჯამებელი ტურნირის ბოლო ტურში ნოვაკ ჯოკოვიჩი ულამაზეს სტილში დაამარცხა და გათამაშების ნახევარფინალში გავიდა, თავად „ნოლე...

რაფაელ ნადალმა მსოფლიოს საჩოგბურთო სამყარო კიდევ ერთხელ აალაპარაკა. ესპანელმა ლეგენდამ წლის შემაჯამებელ ტურნირზე დანილ მედვედევს გადამწყვეტ სეტში 1:5-...

ლონდონში მიმდინარე ATP-ის წლის შემაჯამებელ ტურნირზე ჯგუფური ეტაპის მორიგი შეხვედრა გაიმართა. რაფაელ ნადალმა დანილ მედვედევს საოცარ ბრძოლაში 3 სეტში 6:...

დომინიკ ტიმმა მსოფლიოს მეორე ჩოგან ნოვაკ ჯოკოვიჩს 3 სეტში მოუგო და შემაჯამებელ ტურნირზე ნახევარფინალში ასპარეზობის უფლება მოიპოვა. ავსტრიელმა ჩოგბურთე...

საფრანგეთის პრეზიდენტმა, ემანუელ მაკრონმა ფედერაციის თასის გამარჯვებულ მისი ქვეყნის ნაკრებს ელისეის სასახლეში უმასპინძლა. პრეზიდენტმა მაკრონმა ჩოგბურთ...

ლონდონში მიმდინარე მამაკაც ჩოგბურთელთა წლის შემაჯამებელ ტურნირზე A ჯგუფის პირველი ტურის მატჩები გაიმართა. დღის გახსნით შეხვედრაში ერთმანეთს ახალი თაობ...

მილანში დასრულებული ახალგაზრდა მამაკაც ჩოგბურთელთა წლის შემაჯამებელი ტურნირი იტალიელმა იანიკ სინერმა მოიგო. სინერმა, რომელიც ტურნირზე მასპინძლის სტატუ...

ლონდონში მამაკაც ჩოგბურთელთა წლის შემაჯამებელი ტურნირი დაიწყო. საქმეში ჯერ B ჯგუფის წარმომადგენლები ვიხილეთ, სათამაშო დღე კი ნოვაკ ჯოკოვიჩმა და მატეო ...

მილანში მიმდინარე ახალგაზრდა მამაკაც ჩოგბურთელთა წლის შემაჯამებელ ტურნირზე ნახევარფინალური წყვილები გამოვლინდა. A ჯგუფში შესანიშნავად იასპარეზა ავსტრა...

მსოფლიოს 26-ე ჩოგანმა ნიკოლოზ ბასილაშვილმა მარჯვენა ხელის იდაყვზე ოპერაცია გაიკეთა. პროცედურამ წარმატებით ჩაიარა და ქართველი ჩოგბურთელი ამჟამად სარეაბ...

რაფაელ ნადალი წლის შემაჯამებელ ტურნირს არ გამოაკლდება და აღნიშნული გათამაშების პირველად მოგებას კიდევ ერთხელ შეეცდება. ესპანელი ვარსკვლავი ლონდონში ოთ...

შენჟენში მიმდინარე ქალთა წლის შემაჯამებელ ტურნირზე წითელ ჯგუფში დასკვნითი ტურის მატჩები გაიმართა და გათამაშების პირველი ორი ნახევარფინალისტი გამოვლინდ...

რეკომენდებული სიახლეები
19 წლის ქართველმა ფეხბურთელმა გიორგი მიქაუტაძემ ფრანგული ლიგა 1-ის ''მეცთან'' პროფესიონალური კონტრაქტი გააფორმა. მოქმედი ხელშეკრულების მიხედვით მიქაუტ...
10.12.2019
საფეხბურთო კლუბ ბათუმის ''დინამოს'' მფლობელმა არჩილ ბერიძემ გადაცემა ''სპორტკლუბში'' სტუმრობისას კლუბთან და ზოგადად ქართულ ფეხბურთთან დაკავშირებულ მნი...
10.12.2019
ტელეკომპანია ''რუსთავი 2''-ის ეთერში ამსტერდამის ''აიაქსის'' აკადემიის შესახებ საინტერესო სიუჟეტი ვიხილეთ. ''ბარსელონასა'' და ''აიაქსის'' ყოფილი ფეხბუ...
10.12.2019
რუსული მედიის ცნობით ჯანო ანანიძის მოსკოვის ''სპარტაკიდან'' წასვლა ძალიან რეალურია. რუსულ კლუბში საქართველოს ეროვნული ნაკრების ნახევარმცველის ყოველწლი...
10.12.2019
სპორტული სიახლეების ვიდეოკოლაჟი CrystalSport-ისგან...
10.12.2019
აქსელ ვიტსელი წლეულს „დორტმუნდს“ ვეღარ დაეხმარება. ბელგიელმა ფეხბურთელმა ტრავმა საკუთარ სახლში მიიღო. ვიტსელი წაიქცა, სახე დაიზინა და საქმ...
10.12.2019
„ნაპოლიმ“ ჩემპიონთა ლიგის მე-6 ტურში „გენკს“ შინ 4:0 სძლია და მერვედფინალის საგზური მოიპოვა, მატჩიდან რამდენიმე საათში კი კლუბ...
11.12.2019
საქართველოს ნაკრებმა მსოფლიო ჩემპიონატზე კიოშუინკაი კარატეში წარმატებულად იასპარეზა. იაპონიაში გამართული მუნდიალის გამარჯვებული ანდრეი ზინჩენკო გ...
10.12.2019
იურგენ კლოპის „ლივერპული“ თავისთვის პირველი პრემიერ ლიგის მოსაგებად იბრძვის და უშუალო მდევარს, „ლესტერს“ 8 ქულით უსწრებს. პრემ...
10.12.2019
ბათუმში სტარტი აიღო საქართველოს თასის გამათაშებამ თავისუფალ და ბერძნულ რომაული სტილით ჭიდაობაში. არშანიშნავია , რომ ტურნირში მონაწილეობას ოლიმპიური და...
10.12.2019
საფრანგეთის ეროვნული ნაკრების მთავარმა მწვრთნელმა დიდიე დეშამმა ფეხბურთის ასოციაციასთან კონტრაქტი 2022 წლამდე გაახანგრძლივა. ასე რომ დეშამი ''სამფეროვ...
10.12.2019
უკანასკნელი სიახლეები