გულიტი: “ოქროს ბურთზე სამი ფავორიტი მყავს“
რუუდ გულიტი „ოქროს ბურთის“ ფავორიტებს შორის სამ ფეხბურთელს გამოარჩევს, თუმცა ნიდერლანდელ ლეგენდას საბოლოო გამარჯვებულის დასახელება უჭირს.
გულიტმა ComeOn-თან საუბრისას აღნიშნა, რომ მიმდინარე წლის ჯილდოსთვის რამდენიმე მოთამაშეს მნიშვნელოვანი არგუმენტი აქვს. მისი თქმით, კილიან მბაპე მსოფლიო ჩემპიონატის საუკეთესო ბომბარდირი გახდა, ჰარი კეინმა ბუნდესლიგაში ყველაზე მეტი გოლი გაიტანა, ერლინგ ჰალანდი კი პრემიერლიგის საუკეთესო ბომბარდირი გახდა და სეზონი ორი ტიტულით დაასრულა.
„როდრი ესპანეთის ნაკრებში ბრწყინვალე იყო და ფანტასტიკური მსოფლიო ჩემპიონატი ჩაატარა. რაც შეეხება ლამინ იამალს, ჩვენ ყველას გვიყვარს ის, მაგრამ ის მსოფლიო ჩემპიონატის ფინალის მთავარი ფიგურა არ ყოფილა და ჩემპიონთა ლიგის ფინალშიც ვერ ითამაშა.
ამიტომ ბევრი რამ არის დასაფიქრებელი. ჩემი აზრით, წელს გამარჯვებულის არჩევისას შესაძლოა პირადმა სიმპათიებმა უფრო დიდი როლი ითამაშოს, ვიდრე კონკრეტულმა მიღწევებმა.
მე რომ მხოლოდ პირადი სიმპათიით ვირჩევდე, სამ ფეხბურთელს დავასახელებდი, თუმცა მათგან ერთის გამორჩევა ძალიან მიჭირს. მესმის, რატომ მისცემენ ადამიანები ხმას იამალს. იგივე შეიძლება ითქვას მბაპესა და კეინზეც. ეს ის სამი ფეხბურთელია, რომელთაგანაც ვირჩევდი, მაგრამ ერთის დასახელებას ნუ მთხოვთ.“
