მსოფლიო ჩემპიონატი | ქართველი ჯუდოკების მეტოქეები ცნობილია

4 ოქტომბერს, აზერბაიჯანის დედაქალაქ ბაქოში ძიუდოს მსოფლიო ჩემპიონატი იწყება. დღეს წილისყრა გაიმართა და ქართველი ჯუდოკების მეტოქეების ვინაობა გახდა ცნობილი.

-57 კილოგრამი წონითი კატეგორია

ეთერ ლიპარტელიანი A ჯგუფში მოხვდა და მეორე რაუნდში მისი მეტოქე ურუგვაელი მაია ლეოპოლდია. მეოთხედფინალში ეთერის სავარაუდო ოპონენტი ანა ვიკტორია პულიიზია (მე-11 ნომერი), ნახევარფინალში — ტიმნა ნელსონ ლევი.

ნინო ლოლაძე პირველ შეხვედრას აკარი ომორის წინააღმდეგ გამართავს.

-70 კილოგრამი წონითი კატეგორია

ნინო გულბანი პირველ შეხვედრას ჩინელი იინგინ ფენგის წინააღმდეგ გამართავს.

+78 კილოგრამი წონითი კატეგორია

სოფიო სომხიშვილი ოქროს მედლებისთვის ბრძოლას C ჯგუფში, მარია ივანოვასთან იწყებს.

კაცები

-60 კილოგრამი წონითი კატეგორია

გიორგი სარდალაშვილის პირველი მოწინააღმდეგე ისრაელელი იჟაკ აშპიზია (რეიტინგის მეორე ნომერი). სარდალაშვილი C ჯგუფში ასპარეზობს, სადაც იაპონელი რიუჯუ ნაგაიამაც გამოდის. ნახევარფინალში სარდალაშვილის პოტენციური მეტოქე მიკელ აუგუსტოა.

-66 კილოგრამი წონითი კატეგორია

ვაჟა მარგველაშვილი D ჯგუფში ნიზამი იმრანოვს შეხვდება. გამარჯვების შემთხვევაში მარგველაშვილი რუს რამაზან აბდულაევს დაუპირისპირდება, რომელიც რეიტინგის მესამე ნომერია. მის ჯგუფშია რეიტინგის მერვე ნომერი დავიდ გარსია ტორნეც.

-73 კილოგრამი წონითი კატეგორია

ლაშა შავდათუაშვილი A ჯგუფშია და ჯოშუა გრინისა და დარდან სენას გამარჯვებულს დაუპირისპირდება. მეოთხედფინალში ლაშას პოტენციური მეტოქე რეიტინგის ლიდერი მუჰიდინ ასადულოევია. 

-81 კილოგრამი წონითი კატეგორია

ტატო გრიგალაშვილის პირველი მეტოქე A ჯგუფში გეორგი გრამატიკოვისა და გაჯიმურად ომაროვის გამარჯვებული იქნება. ამავე ჯგუფშია კანადელი ფრანსუა გოტიე დრაპო, იტალიელი მანუელ პარლატი და ფინელი ეეტუ იჰანამაკი.

-90 კილოგრამი წონითი კატეგორია

ლაშა ბექაური A ჯგუფშია და მისი პირველი მეტოქე მინკი სონგია. ლაშას ჯგუფშია სანშირო მურაოც და მეოთხედფინალამდე, მესამე რაუნდში, დიდი შანსია, სწორედ მათი დაპირისპირება ვიხილოთ.

ლუკა მაისურაძე C ჯგუფშია და მისი პირველი მეტოქეი ბორის რუტოვიჩი ან ეგორი ანდონი იქნება. მაისურაძისა და ბექაურის A და C ჯგუფებში მოხვედრა ნიშნავს, რომ შესაძლოა, ქართული ფინალი გაიმართოს.

-100 კილოგრამი წონითი კატეგორია

ილია სულამანიძე B ჯგუფში პირველ შეხვედრას ჯახონგირ მაჯიდოვთან ან ჩომბორ ვეგთან გამართავს. ამ ჯგუფშია ნიააზ ბილალოვი, ხოლო ნახევარფინალში ილიას სავარაუდო მეტოქე ჯენარო პირელია.

+100 კილოგრამი წონითი კატეგორია

ირაკლი დემეტრაშვილის პირველი მოწინააღმდეგე მუზაფარბეკ ტურობოიევია და მის ჯგუფში იურ სპაიკერსი და იბრაჰიმ ტატაროღლუ არიან. 

გურამ თუშიშვილი ცეცენცენგენ ოდხუს დაუპირისპირდება, მეორე რაუნდში კი მუსტაფა ფოფანა ელოდება.