„შეცდომა დავუშვი, როდესაც...“ - ოლივეირამ თოფურიასთან ჩხუბი გაიხსენა

UFC-ის მსუბუქი წონითი დივიზიონის მებრძოლმა, ჩარლზ ოლივეირამ ილია თოფურიასთან ბრძოლა გაიხსენა და განაცხადა, რომ საბედისწერო შეცდომა დაუშვა, როდესაც „ელ მატადორთან“ დარტყმების გაცვლა დაიწყო.

რას ამბობს ოლივეირა:

„საუკეთესო არ ვარ, მაგრამ მინდა ერთ-ერთი საუკეთესო ვიყო, ამიტომ ბევრი უნდა ვივარჯიშო.

მარტში აქ მოვედი და ვთქვი: ტოფურიასთან ბრძოლისას შეცდომა დავუშვი. სულელი ვიყავი, საკუთარი თავის მჯეროდა და მეგონა, ჩემი დრო მოვიდოდა. ყველამ გაიცინა, მაგრამ მე ამ შეცდომაზე ვისწავლე.

მხოლოდ შეცდომებით ვსწავლობთ. მთელი დღე რომ ვივარჯიშოთ, გგონიათ, ყველას დავამარცხებ? არა, მეც წავაგებ. დარბაზში იმისთვის ხარ, რომ შეცდომები დაუშვა, მოწინააღმდეგეს პოზიციის დაკავების საშუალება მისცე და შენი მაქსიმუმი გააკეთო.

თუმცა, ბრძოლაში შეცდომის უფლება არ გაქვს. მნიშვნელობა არ აქვს, დარბაზში 10-ჯერ მომიგებ თუ მე მოგიგებ; მთავარია, ბრძოლის დღეს გავალ და გაგანადგურებ. ეს უკვე წლებია, სულ მახსოვს. ბრძოლაში ერთმა შეცდომამაც კი შეიძლება ყველაფერი დაასრულოს, მაგრამ ამის საშუალებას აღარავის მივცემ.

ასე რომ, მეტი შეცდომის დაშვება აღარ მინდა. მინდა, ყველაფერი სწორად გავაკეთო. სწორედ ამიტომ ვვარჯიშობ, თავს ვუძღვნი ამ საქმეს და მუდმივად ვხვეწ ჩემს უნარებს.“

შეგახსენებთ, რომ ილია თოფურია მსუბუქი წონითი დივიზიონის ჩემპიონი გასული წლის ზაფხულში, სწორედ ჩარლზ ოლივეირას დამარცხების შემდეგ გახდა. 1 წლის შემდეგ, 15 ივნისს თეთრი სახლის ქარდზე „ელ მატადორმა“ ჩემპიონის ქამარი ჯასტინ გეიჯისთან მარცხით დაკარგა.