„ყველა კალათბურთელი მომწონს, ვინც გავიფორმეთ“ | დონჩიჩი სეზონის სტარტს ელოდება

„ლოს ანჯელეს ლეიკერსის“ სუპერვარსკვლავი, ლუკა დონჩიჩი NBA-ის ახალი სეზონის დაწყებას მოუთმენლად ელის. სლოვენიელმა კალათბურთელმა მედია დღის მიმდინარეობისას ჟურნალისტების შეკითხვებს უპასუხა და „ლეიკერსის“ ახალწვეულებზე ისაუბრა.

„მომწონს ყველა, ვინც გავიფორმეთ. ვფიქრობ, მათ შორის ბევრი დაუფასებელი კალათბურთელია. პარკეტს მიღმა ერთად დრო გავატარეთ და მოსამზადებელი ეტაპიც დაიწყო, რაც აუცილებლად დაგვეხმარება. კალათბურთზე ვართ ორიენტირებული და ვიგებთ, ჩვენი თანაგუნდელების ძლიერი მხარეები რა არის. მათთან ერთად თამაშის პერსპექტივით აღფრთოვანებული ვარ.

კარიერის განმავლობაში მსგავს პოზიციაში ბევრჯერ ვყოფილვარ. თავს ძალიან კარგად ვგრძნობ და მოუთმენლად ველოდები, სეზონი როდის დაიწყება. დიდი ხანია, კალათბურთი არ მითამაშია და ერთი სული მაქვს, პარკეტზე როდის შევალ“.

ცნობისთვის, „ლეიკერსი“ პირველ შეხვედრას 22 ოქტომბერს, „გოლდენ სტეიტ უორიორსის“ წინააღმდეგ გამართავს. მანამდე ლოს-ანჯელესელებს პრესეზონის შეხვედრები ელოდებათ. მათი პირველი მეტოქე „საკრამენტო კინგსია“, რომელსაც 6 ოქტომბერს დაუპირისპირდებიან.

რაც შეეხება „ლეიკერსის“ ახალწვეულებს, გუნდმა კოლინ სექსტონი, ქუენთინ გრაიმსი, სანდრო მამუკელაშვილი, კევონ ლუნი, მატის ტაიბული, ზაირ უილიამსი და ჯეიდენ ჰარდი დაიმატა.