წონა ჩაბარებულია | კონორ მაკგრეგორი ოქტაგონს უბრუნდება

UFC-ის მომდევნო ღონისძიებას MMA-ის სამყარო მოუთმენლად ელოდება. UFC 329-ის მთავარი მოვლენა კონორ მაკგრეგორისა და მაქს ჰოლოუეის დაპირისპირებაა და დღეს, აწონვების ცერემონია გაიმართა.

5-წლიანი პაუზის შემდეგ, მაკგრეგორმა 170.5 ფუნტი (77.3 კილოგრამი) დააფიქსირა. „დალოცვილი“ მასზე ოდნავ ნაკლებს იწონის — 170 ფუნტი (77.1 კილოგრამი). ღონისძიების თანამთავარი მოვლენა პედი პიმბლეტისა და ბენუა სენ-დენის ჩხუბია და ორივე მებრძოლმა 70.7 კილოგრამი დააფიქსირა.

მარიო ბაუტისტა და კორი სენდჰეგენი 61.4 კილოგრამს იწონიან, ლონერ კავანა ბრენდონ როივალზე ოდნავ მძიმეა. კავანამ 57.1 კგ დააფიქსირა, როივალმა — 56.6 კგ. UFC 329-ზე ოლიმპიურ ჩემპიონს, გეიბლ სტივსონსაც ვიხილავთ, რომელიც ელიშა ელისონს დაუპირისპირდება, ხოლო რობერტ უიტეკერი ქვემძიმე წონაში ავა და ნიკიტა კრილოვს შეხვდება. ორივე მებრძოლი 205.5 ფუნტს, 93.2 კგ-ს იწონის.

ცნობისთვის, მაკგრეგორმა ბოლოს 2021 წელს იჩხუბა და დასტინ პორიესთან ტექნიკური ნოკაუტით, მოტეხილი ფეხის გამო წააგე. ჰოლოუეი ბოლოს ჩარლზ ოლივეირას დაუპირისპირდა და მსაჯების ერთსულოვანი გადაწყვეტილებით დამარცხდა.