ცარუკიანის მილიონი დოლარი ილიას წაგებაზე | დენა უაითის კომენტარი
UFC-ის პრეზიდენტმა, დენა უაითმა, არმან ცარუკიანზე ისაუბრა. რამდენიმე დღის წინ გავრცელდა ვიდეო, რომელშიც ჩანს, რომ ცარუკიანი ილია თოფურიას წაგებაზე 1 მილიონი დოლარის ოდენობის ფსონს განათავსებს. უაითი „Full Send Podcast“-ის სტუმარი იყო და მას არმანის ფსონის შესახებ ჰკითხეს.
„როგორც გავიგე, ცარუკიანს 1 მილიონი დოლარის ოდენობის ფსონი არ განუთავსებია. ილიას წაგებაზე 1 მილიონი არმანის ერთ-ერთმა მეგობარმა დადო. მე ეს ინფორმაცია მომაწოდეს“.
ზემოთ ხსენებული ფსონის შემდეგ დაიწერა, რომ არმანი UFC-დან გაგდების საფრთხის ქვეშ იყო, რადგან 2022 წელს ორგანიზაციამ მებრძოლებსა და მწვრთნელებს UFC-ის ჩხუბებზე ფსონების დადება კატეგორიულად აუკრძალა. როგორც გაირკვა, ცარუკიანს მსგავსი არაფერი ემუქრება.
ცნობისთვის, თოფურიასა და გეიჯის ჩხუბი, თბილისის დროით, 15 ივნისს არის დანიშნული. ეს დაპირისპირება „თეთრი სახლის“ ღონისძიების მთავარი მოვლენაა.
