წლის ცუდი დასაწყისი - ბასილაშვილი ბრისბეინის კვალიფიკაციაზე დამარცხდა
საჩოგბურთო სეზონი დაიწყო. სულ მალე ბრისბეინის ღია პირველობა აიღებს სტარტს. აღნიშნული ტურნირის საკვალიფიკაციო ეტაპზე ნიკოლოზ ბასილაშვილი იღებდა მონაწილეობას.
ქართველი ჩოგბურთელი ნახევარფინალში ATP რეიტინგის 116-ე ნომერს კრისტოფერ ო’კონელს დაუპირისპირდა და ორ სეტში 2:6 3:6 დამარცხდა.
ნიკოლოზმა მატჩი კარგად დაიწყო და პირველივე გეიმში ბრეიკი შეასრულა, თუმცა მე-4 გეიმში ავსტრალიელმა წონასწორობა აღადგინა და ამის შემდეგ, ბასილაშვილის ზედიზედ 2 ჩაწოდება მოიგო.
მეორე სეტი მშვიდად წარიმართა. მე-6 გეიმში ო’კონელმა ერთადერთი ბრეიკი შეასრულა, წინ გავიდა და მატჩი მისთვის ლოგიკურ დასასრულამდე მიიყვანა.
შეგახსენებთ, რომ ამ მომენტისთვის ნიკოლოზ ბასილაშვილი ATP რეიტინგში 573 ქულით 107-ე ადგილს იკავებს.
