ტერენს კროუფორდს WBC-ის ტიტული ჩამოართვეს
ტერენს კროუფორდს WBC-ის ტიტული და აბსოლუტური ჩემპიონის სტატუსი ჩამოერთვა.
ეს გადაწყვეტილება ტაილანდში, ორგანიზაციის 63-ე კონვენციაზე მიიღეს. ამის მიზეზი ამერიკელი მოკრივის მიერ საჩემპიონო მოსაკრებლების გადაუხდელობა გახდა.
შესაბამისად, WBC-ის ტიტული მეორე საშუალო წონაში ვაკანტურად გამოცხადდა. მისთვის იჩხუბებენ ჰამზა შირაზი და კრისტიან მბილი, ხოლო ლესტერ მარტინესი გახდება სავალდებულო პრეტენდენტი.
შეგახსენებთ, რომ ტერენსმა ბოლოს 14 სექტემბერს, ლას-ვეგასში იჩხუბა და კანელო ალვარესი დაამარცხა. 37 წლის ამერიკელმა ამ გამარჯვებით WBA, WBC, IBF, WBO და The Ring-ის Super Middleweight ტიტულები მოიპოვა.
