სინერი: არ შეიძლება ჩემი შედარება ჯოკოვიჩთან - ის სხვა დონეზეა

მსოფლიოს მეორე ჩოგანმა, იანიკ სინერმა, ნოვაკ ჯოკოვიჩთან შედარებებზე ისაუბრა.

დღეს იტალიელმა კარიერაში მეორედ, პეკინის ტურნირი მოიგო. მან ფინალში ამერიკელი ლეარნერ ტიენსი მარტივად ორ სეტში, 6:2 6:2 დაამარცხა.

თამაშის შემდეგ, 24 წლის ჩოგბურთელმა ჟურნალისტების შეკითხვას უპასუხა.

ამ ტიტულის მოგებით, თქვენ გახდით პეკინის მრავალგზის ჩემპიონი, ისევე როგორც ჯოკოვიჩი და ნადალი. როგორი შეგრძნებაა?

„შესანიშნავია, რომ ამ სიაში მათ გვერდით ვარ. მაგრამ ყველა მოთამაშე მიჰყვება თავის გზას, აშენებს თავის კარიერას. არ ვიცი, რამდენჯერ უთამაშიათ მათ აქ. ჩემთვის ეს ტურნირი ყოველთვის განსაკუთრებული იქნება. ძალიან იშვიათია, რომ ახალ ადგილას ჩახვიდე და დაუყოვნებლივ მოიგო. მე აქ უკვე ზედიზედ სამი ფინალი მაქვს – ეს ნიშნავს, რომ მომწონს აქ თამაში, კომფორტულად ვგრძნობ თავს“.

მხოლოდ ჯოკოვიჩს აქვს მოგებული აქ ექვსჯერ. შეძლებთ მისი რეკორდის გაუმჯობესებას? გეგმავთ თუ არა თამაშს ისევე დიდხანს, როგორც ის?

„არ ვიცი. ჩემი შედარება ნოვაკთან არ შეიძლება - ის სხვა დონეზეა. მე ვარ 24 ჩვეულებრივი წლის ბიჭი, რომელიც საუკეთესო ჩოგბურთის ჩვენებას ცდილობს. მე რამდენიმე დიდი ტიტული მოვიგე, მაგრამ ვნახოთ, რამდენ ხანს შევძლებ ამ დონის შენარჩუნებას. ის, რასაც ჯოკოვიჩი, ნადალი და ფედერერი 15 წელზე მეტი ხნის განმავლობაში აკეთებდნენ, წარმოუდგენელია. მე თავს მათ არ ვადარებ. მე აქ იმისთვის ვარ, რომ ვითამაშო და სიამოვნება მივიღო. მიხარია, რომ ეს ტურნირი ორჯერ მოვიგე. გავჩერდები ორზე, თუ უფრო მეტ თასს ავიღებ – ვნახოთ“ – განაცხადა სინერმა პრესკონფერენციაზე.

შეგახსენებთ, რომ შანხაის მასტერსზე ნიკოლოზ ბასილაშვილიც ასპარეზობდა, რომელიც პირველივე წრეში მარინ ჩილიჩთან დამარცხდა.