ბრიუსელის კვალიფიკაცია - ბასილაშვილი ფინალში გავიდა

ბრუსელის ტურნირის საკვალიფიკაციო ეტაპის ნახევარფინალში ნიკოლოზ ბასილაშვილი ATP რეიტინგის 1354-ე ნომერს ალესიო ბასილეს დაუპირისპირდა და ორ სეტში 6:4 6:4 დაამარცხა.

აღსანიშნავია, რომ პირველ სეტში ბელგიელი დაწინაურდა და მე-4 გეიმში 3:1-ს იგებდა, თუმცა ამის შემდეგ, ქართველი გააქტიურდა და ზედიზედ ორი ბრეიკი შეასრულა. საბოლოოდ 6:4.

მეორე სეტი შედარებით განსხვავებული იყო. ნიკოლოზი თავის ჩაწოდებაზე დამაჯერებლად თამაშობდა და მეტოქის ბრეიკის შესრულების საშუალება არ მისცა.

ბასილაშვილმა ბრეიკი მე-5 გეიმში შეასრულა, 3:2 დაწინაურდა და მოპოვებული უპირატესობა ხელიდან აღარ გაუშვა.

ცნობისთვის, ნიკოლოზ ბასილაშვილი ბრიუსელის ტურნირის საკვალიფიკაციო ეტაპის ფინალში როდიონოვსა და ჰერბერტს შორის გამარჯვებულს დაუპირისპირდება.