კვარა მანქანა არაა, ადამიანია | ენრიკეს ხვიჩას ცუდ ფორმაზე ჰკითხეს

კითხვა: კვარაცხელიას დასვენებისა და მოსამზადებელი პერიოდის გასავლელად დრო ჰქონდა, თუმცა, როგორც ჩანს, ოპტიმალური ფორმის მისაღწევად ჯერ კიდევ დრო სჭირდება. ამას რაიმე ახსნა აქვს? მომდევნო მატჩებმა უნდა მისცეს მას სეზონის სათანადოდ დაწყების შესაძლებლობა?

ლუის ენრიკე: „თქვენ, როგორც ყოველთვის, ფეხბურთში საკმაოდ ჩვეულებრივი საკითხებით ხართ შეშფოთებული — ითამაშებს თუ არა ფეხბურთელი ჩვეულებრივზე უკეთ ან უარესად, არის თუ არა კარგ ფორმაში. მესმის თქვენი, მაგრამ მე მნიშვნელოვანი საკითხები მაწუხებს.

კვარა უმაღლესი დონის ფეხბურთელია, რაც მან მნიშვნელოვან მომენტებში დაამტკიცა. ძალიან ბედნიერი ვარ, რომ ის გუნდში მყავს. თუმცა, ის მანქანა არ არის, ის ადამიანია. ბუნებრივია, რომ ფეხბურთელს კარგი და შედარებით რთული პერიოდები ჰქონდეს. სანერვიულო არაფერია“.

ხვიჩამ სეზონი კარგად დაიწყო, UEFA-ს სუპერთასზე „ასტონ ვილასთან'' ბრწყინვალე გოლი გაიტანა, თუმცა მას შემდეგ გოლი არ გაუტანია,  ლიგა 1-ში ხუთ მატჩში (283 წუთი) 1 საგოლე პასი შეასრულა, ხოლო სექტემბერ-ოქტომბერში ჩატარებულ ბოლო ოთხ სანაკრებო მატჩში (360 წუთი) საგოლე მოქმედება აქვს. სამწუხაროდ, აღნიშნული 4-დან პირველ მატჩში, ჩრდილოეთ ირლანდიასთან პენალტი ვერ გაიტანა.