„უსმანი ილიაზე ძლიერია“ - ხაბიბ ნურმაგომედოვი ბიძაშვილს აქებს

UFC-ის მსუბუქი წონის ექსჩემპიონმა, ხაბიბ ნურმაგომედოვმა განაცხადა, რომ მისი ბიძაშვილი უსმან ნურმაგომედოვი ილია თფოფურიაზე უფრო ძლიერი მებრძოლია.

რა თქვა „არწივმა“:

„ვინ არის უფრო ძლიერი - ილია თუ უსმანი? თუ ეს ჩხუბი არ შედგება, ამას ვერასოდეს გავიგებთ. ყველას თავისი აზრი აქვს. ჩემი აზრით, უსმანი უფრო უნივერსალური მებრძოლია, და ვფიქრობ, ის ილიაზე ძლიერია“.

ცნობისთვის, უსმან ნურმაგომედოვს MMA-ის კარიერაში გამართული 19-ვე ბრძოლა აქვს მოგებული. ამჟამად 27 წლის მებრძოლი PFL-ის მსუბუქი წონითი დივიზიონის ჩემპიონის ქამარს ფლობს. მომდევნო ბრძოლას უსმანი 3 ოქტომბერს ირლანდიელ პოლ ჰიუზთან გამართავს, რომელსაც იანვარში მსაჯთა უმრავლესობის გადაწყვეტილებით მოუგო.

რაც შეეხება თოფურიას, „ელ მატადორის“ მომდევნო ბრძოლისა და მეტოქის ვინაობა ჯერჯერობით უცნობია.