იანი მერაბთან ტრილოგიას გაურბის და ომალისთან ჩხუბი სურს
UFC-ის ჩემპიონმა სუპერმსუბუქ წონაში, პიოტრ იანმა, მიანიშნა, რომ მომდევნო ბრძოლაში შონ ომალისთან რევანშის აღება ურჩევნია, ვიდრე მერაბ დვალიშვილთან ტრილოგიის დასრულება.
ამის შესახებ რუსმა სპორტსმენმა ამერიკელის განცხადების კომენტირებისას აღნიშნა, რომელმაც მას მსოფლიოში ერთ-ერთი ყველაზე ტექნიკური მებრძოლი და ისტორიაში სუპერმსუბუქი დივიზიონის უდიდესი წარმომადგენელი უწოდა.
„შონ, იმუშავე! ყველაფერს სწორად აკეთებ!“
- დაწერა იანმა.
ჩემპიონმა ასევე უპასუხა გულშემატკივარს, რომელმაც მას დვალიშვილთან ბრძოლისკენ მოუწოდა.
„სანამ ისევ მომცემდნენ ქამარზე ბრძოლის შესაძლებლობას, სამი ბრძოლის ჩატარება მომიწია!“
- უპასუხა რუსმა.
გასული წლის დეკემბერში პიოტრ იანმა საჩემპიონო ქამარი დვალიშვილს წაართვა, მან მერაბი მსაჯთა ერთსულოვანი გადაწყვეტილებით დაამარცხა.
შონ ომალიმ კი ცხრა დღის წინ თეთრ სახლში გამართულ ტურნირზე კანადელი ეიმან ზაჰაბი დაანოკაუტა და ჩემპიონი გამოიწვია, რომელიც მანამდე 2022 წლის ოქტომბერში მსაჯთა გაყოფილი გადაწყვეტილებით დაამარცხა.
