ბაიერნი მზადაა, რომ დიასში 80 მილიონამდე ევრო გადაიხადოს
„ბაიერნი“ ლუის დიასთან დაკავშირებით გაუმჯობესებული შეთავაზების გაკეთებას აპირებს.
მანამდე ცნობილი გახდა, რომ „ლივერპულმა“ კოლუმბიელი ვინგერის, 67,5 მილიონ ევროდ გაყიდვაზე უარი თქვა.
Givemesport-ის კორესპონდენტისა და TalkSport-ის კომენტატორის, ბენ ჯეიკობის ინფორმაციით, მიუნხენელები „წითლებს“ ახალი წინადადებით მიმართავენ და მზად არიან, რომ დიასში 80 მილიონამდე ევრო გადაიხადონ.
შეგახსენებთ, რომ გასულ სეზონში ლუისმა პრემიერ ლიგის 36 მატჩში, 13 გოლი გაიტანა და 5 საგოლე გადაცემა გააკეთა. Transfermarkt-ზე 28 წლის ფეხბურთელის საბაზრო ღირებულება 70 მილიონი ევროა.
