სუპერკომპიუტერის პროგნოზი | რა შანსები აქვს საქართველოს ნაკრებს

უეფას ერთა ლიგის B დივიზიონის მესამე ტურში საქართველოს საფეხბურთო ნაკრები სტუმრად უნგრეთს დაუპირისპირდა და 0:1 დამარცხდა. „ჯვაროსნები“ კვლავინდებურად უგოლოდ არიან და ერთი ქულით ჯგუფის ბოლო ადგილს იკავებენ.

მესამე ტურის მატჩების შემდეგ Football Meets Data-მ საკუთარი სუპერკომპიუტერის განახლებული პროგნოზი გაგვიზიარა. საქართველოს ჯგუფის მოგების 1.1-პროცენტიანი შანსი აქვს. იმის ალბათობა, რომ „ჯვაროსნები“ B დივიზიონიდან დაქვეითდებიან, 20.1 პროცენტია, მეორე ადგილზე გასვლის — 5.5%, მესამე ადგილის — 16.6%.

Football Meets Data-ს სუპერკომპიუტერის მიხედვით, საქართველოს A ლიგაში გადასვლის 2.4-პროცენტიანი შანსი აქვს (პირველი ადგილი პირდაპირ გადადის, მეორე ადგილი პლეიოფს თამაშობს). რაც შეეხება გასავარდნ პლეიოფს, Football Meets Data-ს სუპერკომპიუტერის პროგნოზით, 82.3 პროცენტია იმის შანსი, რომ „ჯვაროსნებს“ B ლიგაში დასარჩენად პლეიოფში თამაში მოუწევთ.

Football Meets Data ჯგუფის ფავორიტად ჩრდილოეთ ირლანდიას მოიაზრებს (პირველ ადგილზე გასვლის 65.2-პროცენტიანი შანსი). მეორე ადგილზე უკრაინა იმყოფება (18.9 პროცენტი), ხოლო მესამეზე უნგრეთია (14.8 პროცენტი). საინტერესოა, რომ სუპერკომპიუტერის მიხედვით, საქართველო ჯგუფს სავარაუდოდ ოთხი ქულით დაასრულებს.