COPE: დღეს ფლიკი ტერ შტეგენს შეხვდება და აუხსნის, რომ წასვლა მოუწევს
ესპანური COPE-ს ცნობით, დღეს ჰანსი ფლიკი მარკ ანდრე ტერ-შტეგენს შეხვდება და გერმანელი მეკარის მომავალიც გადაწყდება.
ესპანური გამოცემის ჟურნალისტი ელენა კონდისი ამბობს, რომ ტერ-შტეგენს დღეს აუხსნიან, რომ ის გუნდს აღარ სჭირდება და მას წასვლა მოუწევს.
აშკარაა, რომ ფლიკი ახალ სეზონში ჟოან გარსიას ნომერ პირველ მეკარედ მიიჩნევს, სათადარიგოდ კი ვოიცეხ შესნის. ტერ-შტეგენს კი მესამე მეკარის როლი ერგო, რაც რა თქმა უნდა არალოგიკურია, მისი დონის მოთამაშისთვის ასეთი პირობები მიუღებელია.
ტერ-შტეგენი ამ დრომდე პრესასთან საუბრისას ცალსახად აღნიშნავდა, რომ გუნდში რჩება და სხვა ვარიანტს არ განიხილავს, თუმცა COPE-ს ცნობით ვითარება შესაძლოა მალე შეიცვალოს.
დღეს, ესპანურ მედიაში გაჩნდა ინფორმაცია, რომ „ბარსელონას“ ხმაურიანი შენაძენისთვის ერთი მაღალანაზღაურებადი მოთამაშის გაყიდვა მოუწევს და ეს სწორედ ტერ-შტეგენი იქნება. თუ კლუბი ამ ოპერაციას თავს ვერ მოაბამს, ხმაურიანი შენაძენის გაკეთება ძალიან გაუჭირდება და კვლავ თავისუფალ აგენტებზე ან იჯარით გასაფორმებელ ფეხბურთელებზე იქნებიან ორიენტირებულნი.
