მინი ფეხბურთის მსოფლიო ჩემპიონატი | საქართველოს ნაკრებმა გამარჯვებით დაიწყო
აზერბაიჯანის დედაქალაქ ბაქოში, მინი ფეხბურთის მსოფლიო ჩემპიონატი მიმდინარეობს, რომელზეც საქართველოს ნაკრებიც მონაწილეობს. ტურნირის პირველ დღეს, ჩვენი გუნდი არაბთა გაერთიანებულ საამიროებს დაუპირისპირდა და გათამაშება გამარჯვებით დაიწყო.
მატჩში ანგარიში 24-ე წუთზე გაიხსნა. გეგა კოშაძემ ბრწყინვალედ ითამაშა და მეტოქის კარი შორეული დარტყმით აიღო. მეორე ნახევარში, თავი ნიკოლოზ კოპლატაძემ გამოიჩინა და საბოლოო ანგარიში დააფიქსირა - 2:0.
ჩვენი გუნდი მომავალ შეხვედრას შაბათს, 24 მაისს არგენტინის წინააღმდეგ გამართავს. მატჩი 16:30 სთ-ზე დაიწყება. არგენტინამ პირველი შეხვედრა ჩხეთთან გამართა და 1:2 დამარცხდა.
