ლიონის სეზონის საუკეთესო გოლი | მიქაუტაძე ნომინანტებს შორისაა
გიორგი მიქაუტაძის „ლიონმა“ საფრანგეთის ლიგა 1-ის სეზონი მეშვიდე ადგილზე დაასრულა. ქართველ ფეხბურთელს 17 საგოლე მოქმედება ჰქონდა და საფრანგეთის ჩემპიონატის ეგიდით, მეტოქეთა კარი 11-ჯერ აიღო, 6-ჯერ კი თანაგუნდელებს გაატანინა.
ბოლო ტურის შემდეგ, „ლიონმა“ სეზონის საუკეთესო გოლის გამოსავლენად გამოკითხვა დაიწყო. ფრანგულმა კლუბმა ოთხი გოლი გამოარჩია და მათგან ორის ავტორი მიქაუტაძეა. საუბარია „ანჟერისა“ და „ლე ავრის“ წინააღმდეგ შეგდებულ ბურთებზე.
⚽️ Les Gones, c'est le moment de voter pour le But de la saison 2024-2025 avec STANLEY ⚒️????????
— Olympique Lyonnais (@OL) May 22, 2025
1️⃣ @MikautadzeG ???? Angers
2️⃣ @rayan_cherki ???? Reims
3️⃣ @MikautadzeG ???? Le Havre
4️⃣ Malick Fofana ???? Rennes
???? Sondage en commentaire, à vous de choisir ⤵️ pic.twitter.com/4v4qvm2dVt
მიქაუტაძის კონკურენტები რაიან შერკი და მალიკ ფოფანა არიან. შერკიმ „რეიმსს“ გაუტანა, ხოლო ფოფანამ „რენის“ გულშემატკივრები დაამწუხრა. გამარჯვებული გულშემატკივრებმა უნდა გამოავლინონ და გამოკითხვა „ლიონის“ სოციალურ ქსელებში მიმდინარეობს.
შეგახსენებთ, რომ მიქაუტაძემ ევროპული კლუბების ყურადღება მიიპყრო და მისით „იუვენტუსია“ დაინტერესებული. გიორგის კონკურენტი, ალექსანდრ ლაკაზეტი ზაფხულში „ლიონს“ ტოვებს და მიქაუტაძე უკონკურენტოდ რჩება, რის გამოც, „ლიონის“ დაყოლიება მარტივი არავისთვის იქნება.
