როგორც რაული და კასილასი - "რეალი" რონალდუსაც უშვებს
Eurosport-ის ინფორმაციით, მადრიდის "რეალმა" კრიშტიანო რონალდუს წასვლის ნება მისცა.
კლუბმა პორტუგალიელს დაუდასტურა, რომ ისინი მის შენარჩუნებას აღარ გეგმავენ.
რონალდუს ახალი და გაუმჯობესებული პირობები სურდა, რაზეც "რეალის" პასუხი პირდაპირი და მკაფიო იყო - ის ახალ ხელშეკრულებას ვერ მიიღებდა.
ფლორენტინო პერესი ზაფხულში გუნდში ძირეული ცვლილებების გატარებას გეგმავს და ამ პროცესის დაწყებას რონალდუს გაყიდვით აპირებს.
პორტუგალიელ ფეხბურთელს ჯერჯერობით მხოლოდ 2 გუნდს უკავშირებენ - "მანჩესტერ იუნაიტედსა" და "პსჟ"-ს.
მიუხედავად რონალდუს სტატუსისა, ძნელად წარმოსადგენია, რომ ზემოხსენებულმა გუნდებმა მისი დამატების სურვილი გამოთქვან.
როგორც ჩანს, "რეალს" რაულისა და კასილასის მსგავსად რონალდუც განაწყენებული დატოვებს.
