პარიზი 2024: დუპლანტისმა ჭოკით ხტომაში მსოფლიო რეკორდი დაამყარა

პარიზში მიმდინარე ოლიმპიურ თამაშებზე ჭოკით ხტომაში ახალი მსოფლიო რეკორდი დამყარდა.

შვედმა სპორტსმენმა არმანდ დუპლანტისმა 6.10 მეტრის დაძლევა შეძლო და მსოფლიო რეკორდი მოხსნა. შემდეგ მან ძელი 6.25 მეტრზე ასწია და კარიერაში საკუთარი შედეგი მეცხრედ გააუმჯობესა.

დუპლანტისის წინა რეკორდი 6.24 მეტრი იყო.

რეკორდის დამყარებისა და ოქროს მედლის მოპოვების შემდეგ, დუპლანტისმა თავისი ტრიუმფი უკვე ტრენდად ქცეული სტილით აღნიშნა. მან თურქი მსროლელის იუსუფ დიკეჩის სტილი გაიმეორა.